بیزیم آلتمیش یئددی یاشیمیز وار
ایییرمی یاشیمیز اولسا دا
سکسان یاشیمیز اولسا دا.
دؤرد فصلین هامیسی دا یای‌دیر
اینانمیرسان‌سا
بوینوموزداکی کندیر یئریندن
دؤشوموزده‌کی بنؤوشه‌دن اوخو.
آنالاریمیزین یادداشیندا
بیر آلتمیش یئددی
بیر ده جاوان بیر آددان باشقا
هئچ نه یوخ.
بو قبیرلر ده
بو باش داشی‌لار دا یالاندیر
بیزدن قالان شئی یالنیز
آنالاریمیزین الینه وئردیکلری چانتادیر.
گؤوده‌سیز، تابوتسوز اؤلولریک
گونده آلتمیش یئددی یول
گولوروک اؤلومون عاجزلییینه
قوی نگران یاتسین دئیه
گولـله‌سینده کسر قالمامیش
خوروز قانینا یئریکله‌ین‌لر.
