دنیز
ع. یالچین

سالام دنیز

هاردان بئله

بو کوسکونلوک

ارکؤیونلوک!

بالیقلارین بوغولوب‌می؟

یوسونلارین یوخ اولوب‌می؟

یوخسا ده‌ییب اوره‌یینه –

            کیمسه سنین؟

هانی-

چالخانان

دالغالانان

            گور گؤرکمین ؟

یوخسا قارا بالیق‌لارین گئن دوشوبدیر

                                    عمانلاردان؟

بلکه کؤنلون بوشالیبدیر

                                    طوفانلاردان ؟

دیللنسه‌نم

سؤیلنسه‌نم

گؤر نه واختدیر گور دالغانا حسرت قالیب

                                    لال یئلکن‌لر

                                    شوخ گمی‌لر

قوم ساحیلی قوجاقلایان دالغان هانی؟

دالغانسانام

مورگوله‌ین گؤی سولاردا جوشغون هانی؟

چالخانسانام

عؤمروم دنیز

سئوگیم دنیز!

                                                                ۹/۷/۸۹