اوره‌ک
رقیه عبدیلی (سازاق)
گئجه‌لر سالاندا چؤککه‌یه دردی
بیر نئچه دردیمی بورجا یاز اوره‌ک!
کیمسه‌نین اور‌گی اویون‌باز اولور
بختیمدن منده‌سه درده باز اوره‌ک!
بؤرک قویان بؤرکونه گرک یاراشا،
دوز گئده‌ن آیاق دا دگرمی داشا؟
آجی دا سئوگی تک باخماییر یاشا،
آجی‌سیز دونیادا اولار آز اوره‌ک.
غم ـ کدر پوسقودا بیزی گودورلر،
واخت اولور دورمادان جانی دیدیرلر،
فصیل‌لر بیر به بیر گلیب گئدیرلر،
عؤمروندن کؤچمه‌سین یاشیل یاز اوره‌ک!
قوجالاندا انسان کؤرپه‌لر کیمی
آزالیر هرایشده دؤزوم چکیمی؛
سیناندا اوره‌کدن سوچلایار کیمی؟
سازاق اسیمینده ایستر ناز اوره‌ک.
