بیز گلدی گئده‌ریک؛ سن یاشا دونیا!
(۱۳۹۳ینجی ایل ادبیات سمامیزدان آخان اولدوزلار)

 چوخ تاسفله آرخادا قویدوغوموز ۹۳ینجی ایلده ده بیر سیرا ادبیات و مدنیت اولدوزلاریمیز ابدی‌لیک اولاراق سؤندولر. بو شرفلی اینسانلار میللی مدنیتیمیزین ترقیسی و چیچکلنمه‌سی اوغروندا صرف ائتدیگی عؤمورلری اعتباریله، خالقیمیزین یادداشیندان سیلینمزلر اولاجاقدیرلار.
بو اونودولماز ادبی شخصیتلریمیزله برابر کئچن ایل گؤرکملی آذربایجانلی جراح و “وارلیق” مجله‌سی‌نین صاحیبی دوقتور “جواد هئیت”ده دونیاسینی ده‌ییشدی. عینی حالدا دونیا شؤهرتلی تورک یازیچیسی “یاشار کمال” و آذربایجان جومهوریسی شاعرلریندن “واقف صمداوغلو” و “درویش جوانشیر”ده آرامیزدان کؤچدولر. اونودولماسینلار دئیه، بیر داهادا عزیز خاطیره‌لرینه عشق اولسون دئییریک:

• عاصم اردبیلی (صالح عاصم کفاش) – شاعر (۱۳۲۰ – ۱۳ اردیبهشت ۱۳۹۳)
• مجید امین مؤید – مترجم (۱۳۰۹ – ۶ خرداد ۱۳۹۳)
• صابر نبی‌اوغلو (صابر امراهی) – ادبیاتشناس (۱۳۰۵ – ۱۸ خرداد ۱۳۹۳)
• نجار اوغلو (علی عطائیه) – شاعر (۱۳۱۱ – ۹ تیر ۱۳۹۳)
• هاشم ترلان (علی چشم‌آلوسی) – شاعر (۱۳۰۲ – ۲۵ آبان ۱۳۹۳)
• مظفر درفشی – شاعر (۱۳۰۳ – ۱۶ بهمن ۱۳۹۳)
• آذر پویا (ناصرالفقرا) – مترجم (۱۳۳۹ – ۲۰ بهمن ۱۳۹۳)
• مجیدآقا شمس (مجید اروانی) – ناشر (۱۳۱۲ – ۱۵ اسفند ۱۳۹۳)