قاراباغ
افراسیاب نوراللهی

«سنه قاراباغ دئدیلر
بلکه قارا باخ دئدیلر!
داغلاریندا یایلایان قارینا گؤره.»۱
بلکه‌ده قاراباخت دئدیلر!
توکنمه‌ین ثروتینه، وارینا گؤره.
همه‌شه زولال یئتیرن تورپاقلارینا گؤره.
سنه قاراباخت دئدیلر!
قانینی سورماقدان بیر کره‌ده دویمایان،
داغلاریندا اولایان بئش‌ـ اون هارینا گؤره.
سون باهارینا گؤره!
خوجالی فاجیعه‌نه، یانوارینا گؤره.
بلی،
سنه قاراباخت دئدیلر!
شیکستینه گؤره.
بو بئش‌ـ اون ایلده،
زیلی اوزدن زیلله‌شن،
بمی اوزدن بم‌لشن،
شیکستنه گؤره.
نه بیلیم،
سنه قاراباخت دئدیلر،
بلکه‌ده ائله منه گؤره!..
۱۳۸۲

۱٫ رسول رضا