بو داغلاردا – بوداغلاردا
مسعود آذر
(عاشیق حسین جاوانین شرفینه)
اوره‌ییمله سئیره واردیم
بو داغلاردا – بو داغلاردا.
قاناد چالیب اوج آلاردیم
بو داغلاردا – بو داغلاردا.
عاشیق گئدیب سازی قالیب
خوش نغمه‌سی سؤزو قالیب
او کاروانین ایزی قالیب
بو داغلاردا – بو داغلاردا.
عاشیق اولدوق آلیشماغا
سیلاحلاندیق آتیشماغا
پئنجه‌لشدیک یاریشماغا
بو داغلاردا – بو داغلاردا.
داغدان ائنیب دوزه گلدیک
غم چولقادی سؤزه گلدیک
“حسین”له اوز – اوزه گلدیک
بو داغلاردا – بو داغلاردا.
یک پاسخ
عاشیق گئدیب سازی قالیب
خوش نغمه‌سی سؤزو قالیب
او کاروانین ایزی قالیب
بو داغلاردا – بو داغلاردا.
عاشیق حسین جاوانین خاطیره لریندن رحمتلیک آتام صحبت ائدردی. سَسیندن شعیرلریندن، اوف یاشاسین آزربایجان دگرلی اینسانلارینان. عشق اولسون خالقیمیزا…