قیسا شعرلر (۱۰)
فریبا مرتضایی
(۱)
غریب دوشموشم –
تانیش اوره‌یینده.
من سنه داغیم دئدیم؛
نه گزدیریرسن یانا – یانا اته‌یینده؟!
(۲)
گؤزلریم
باخیشینا مه‌له‌ییر؛
جانیم
جانینا دوشوب ایمک‌له‌ییر؛
دؤن گل!
سئوگیم اوشاق‌دیر
دؤزمه‌ییر.
(۳)
آغیردیر یالقیزلیق
نه اوره‌ییم چکیر، نه دیزلریم؛
گئدیشیمی ائشیت،
سس وئر!
کیم اؤز آرخاسیندان سو سپر؟!
من سپدیم؛
سنه ساری دؤندوم،
چاره‌سیزلیگیمی دورولاییب
اوره‌ییمین بندی
اورایا سردیم.
(۴)
اوره‌ییم گئدیشینده
باغریم گلیشینده
اسیر!
(۵)
یوخسول منم
سن اولمایاندا؛
دؤن گل
آووجلاریمین یئرینه،
اوره ییم آچیلسین!
7 پاسخ
چوخ تشکرلر عزیز ارخاداشلاریم اوخودوغونوز اوچون منت دارام .
سلام فریبا خانیم
الینیزه سالیق چوخ گوزه لدیر ……..
مین یاشایین
چوخ گؤزل و اورک اوخشایان شعرلر اوخودوم…قلمینیزه ساغلیق…اوغورلار اولسون.
هر زامان کی کیمی گؤزل و اوره یه یاتیم……مین یاشایین.
چوخ گوزل و دویغولی شیعرلر اوخودوم
اللریز آغریماسین عزیز و موحترم شاعیریمیز
حورمتلی فریبا مرتضایی خانیم اوغورلار اولسون سیزه
سایقیلار و حورمتلر سیزه و بوتون ایشیق سایتیندا چالیشانلار
و دیرلی یازارلارا
چوخ گؤزل شعرلر اوخودوم تشکرلر ائلمین حؤرمتلی و مهربان شاعیری .و سونسوز تشکرلر ایشیق سایتیندا چالیشان عزیز قلمداشلار. درین حؤرمتله
سا غ اولون فریبا خانیم. دویغولاریز داهادا کسرلی اولسون. کؤنول اوخشایان شعیرلرینیز وار. داملی اولسونلار