(۱)
من اسکی بیر ماهنی‌نین
اؤزوده ایتگین دوشن-
ایتمیش بیر پارچاسی‌یام!
هانسی ال-
بیر- بیریمیزه بیزی قووشدوراجاق؟
(۲)
اویاقلیق ساعاتی نین زنگی کیمی دئییل کی
سوسدورماق اولسون!
چوخ زاماندان بری
اوره ییمده گئجه – گوندوز
کوکلنمیش ساعات کیمی گیتارا چالان
خاطیره نی دئییرم!
(۳)
گؤزلری شیمال مئشه‌لری‌دیر
و من
آنامین یاشیل گؤزلرینده
شیراز باغلارینی سوزورم؛
باخیشیم
“باهار نارینج” عطرینه بورونور.
(۴)
اولماسایدی آنامین گوزلری‌نین ساحیلی ،
من نئجه پایلاشا بیلردیم-
رویالاریمی
آرام اوکیانی‌لا؟ !
(۵)
منیم بو گونلرده کی سئوینجیم
هر گئجه گلیب
منی اولدوزلارین گوروشونه آپاران –
آغ بیر آت دیر!
