دیلیمی قایتارین منه
هاشم ترلان

غربت ائلده غریبسه‌دیم
ائلیمی قایتارین منه!
دره‌لریم کؤز باغلاییب
سئلیمی قایتارین منه!
×
آختاریرام حزین- حزین
ایتیردیگیم گولون ایزین
دونیادا هر نه وار سیزین
گولومو قایتارین منه!
×
دیل دئییرم… منی آنمیر
سسله‌ییرم، او دایانمیر
نوه‌لریم منی قانمیر
دیلیمی قایتارین منه!
×
یاخ اورمودان گؤی خزره
اوخشار سنی هر منظره
بو آذردن او آذره
ایلیمی قایتارین منه!
×
آذری‌یم ائلیم، واریم
هارای سالیر سؤز قاتاریم
سوسوز قالیب سونالاریم
گؤلومو قایتارین منه!
×
شاعر ده وار سؤز اوینادان
گونبز اوسته قوز اوینادان
فقط منه گورز اوینادان
الیمی قایتارین منه!
×
دیلیم گئتسه قالار نه‌ییم
نئجه بو درده بئل اییم
نسیمی‌دن اؤیرندیگیم
تعلیمی قایتارین منه!
۱۳۷۸

 

3 پاسخ

  1. عمرون اوزون ، غملر سندن خجالت ، اورگونده دنيا بويي شادعشقينن ياشياسان.
    اوركه مين سوزلي اورك ديلي شاعرلري ساغ اولسون ………………….
    آذربايجان وار اولسووووووووووووووووووووووووووووووووووووووون

  2. حسرتيمي اكه­جگم
    گؤز ياشينلا اونو سووار
    بيتسين بير هئيوه­ره ناغيل
    قهرماني جوت باش بير دئو
    دورسون گودزيلا قارشيندا
    . سني مين ياشا هاشيم عمي

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4