n-davaran1
کیمسه بیله بیلمزدی
ناصر داوران

یاغیشلی گئجه
بیزی قووالادیلار.
یاغیش یاغیردی؛
ماشین‌لاری
قارانلیق گئجه‌ده
خیاوان‌لاری ناققا کیمی اودوردو بوروق‌لاردا؛
گناهکار سئوگیمیزی یاخالاماق ایسته‌ییردیلر،
بیزی ده
جزالاندیرماق.
هاردانسا سس گلدی:
بوراخین اونلاری!
بوراخمادیلار.
سئوگی قوخویوردو دوداقلاریمیز
گیزلتمک اولمازدی؛
عصیان قوخویوردو نفس‌لریمیز
دانا بیلمزدیک؛
کؤینه‌ییمیزین دؤشونه یاییلان قیرمیزی چیچک
سئوگی‌دن می،
گولله‌دن می؟،
کیمسه بیله بیلمزدی.

یک پاسخ

  1. اوستاد داورانین “کیمسه بیله بیلمزدی” شئعری ایله دریندن یاشایا بیلدیم. منجه اولدوقجا گؤزل شئعر دیر. آنجاق “یاغیشلی گئجه”، بیر میصرا سونراسی “یاغیش یاغیردی” منه تیکرار کیمی گلدیکده، ندنینی باشا دوشمه دیم. داوران موعللیم منی باغیشلارلار.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4