Home / شعر / دوغوم گونومون دؤیونتولری / حسین آرزو

دوغوم گونومون دؤیونتولری / حسین آرزو

hoseyn arzoo
دوغوم گونومون دؤیونتولری
حسین آرزو

(۱)
هامینین گؤزو سنده‌دی،
منیم گؤزوم سنده‌دی؛
سنین گوزون
ﺁی…،
سنین گوزون؟!

(۲)
ایتمیشم بوگون ﺁنا !
گل
یاپیش الیمدن
تاپ منی!

(۳)
سنی ایلده بیر گون
ـ دوغوم گونی ـ
اونودورام .

(۴)
دوغوم گونونده-
اؤلن اینسانلار؛
گلن گونده-
گئدن اینسانلار.

(۵)
ایاق توتوب
اوزاقلاشاجاغام،
سنین یوخولاریندان
باش چیخارداجاغام .

(۶)
سوت ایچیرم
ﺁنامین شکلینه باخیرام
بوگون منیم دوغوم گونوم.
۱۳۸۸ –  آیووا –  آمریکا

 

 

 

 

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *