دوغوم گونومون دؤیونتولری
حسین آرزو
(۱)
هامینین گؤزو سنده‌دی،
منیم گؤزوم سنده‌دی؛
سنین گوزون
ﺁی…،
سنین گوزون؟!
(۲)
ایتمیشم بوگون ﺁنا !
گل
یاپیش الیمدن
تاپ منی!
(۳)
سنی ایلده بیر گون
ـ دوغوم گونی ـ
اونودورام .
(۴)
دوغوم گونونده-
اؤلن اینسانلار؛
گلن گونده-
گئدن اینسانلار.
(۵)
ایاق توتوب
اوزاقلاشاجاغام،
سنین یوخولاریندان
باش چیخارداجاغام .
(۶)
سوت ایچیرم
ﺁنامین شکلینه باخیرام
بوگون منیم دوغوم گونوم.
۱۳۸۸ – آیووا – آمریکا
