عدالتین گؤزلریندن باخاندا
یئرسیز اولور چوخو یئری بیلینمیر.
حاق الی‌له یالانلاری ییخاندا
مین صؤحبتدن دوزده بیری بیلینمیر.
جهالتین آتین چاپیر بو زامان
یاس ساخلاییر بیزدن یازیق تار، کامان
ایناملارین اوستون اؤرتوب هئی گومان
نه توی، نه یاس خئییر – شری بیلینمیر.
اولسون… اولان اولوب قوشاق ناغیلا
باشلاریمیز حسرت چکیر عاغیلا
بیزه نه وار دونیا بیر گون داغیلا
هله بوردا اؤلو- دیری بیلینمیر.
