گؤزلریمین ایچیندن
ماشین‌لار کئچیر،
قولاقلاریمین دالیجا سیقنال سس‌لری قاچیر
آجی گولوشلو دوداقلاردان!
زهر دامیر گؤزلریمه،
کور قارانلیقدا پوزلانیر
دونیانی دؤرد اللی توتانلار!
هئی…
یوللار اؤز ایشینده
گونش کئشییندن اوزاقلاشیر،
گئجه یاخینلاشیر
سکوت قانادین سریر
یوخلاییر لامپالار،
بیز دیری اؤلولره
اؤلولر نه خوش گولورلر…!
مهران نظری افشار
چئویرن: مهران نظری افشار
ترجمه: مهران نظری افشار
سسلندیرن: مهران نظری افشار
- شعر
- اوخوماق زامانی: < 1 دقیقه
- https://ishiq.net/?p=30319
چاپ
