قیسا شعرلر(6) / فریبا مرتضایی

fariba mortazayi
قیسا شعرلر(6)
فریبا مرتضایی

(1)
سول بیله‌ییمی‌کسیب
گؤزلریمین پرده‌سینی
اینتیظار چکن یوللارینا تیکه‌جه‌یم؛
آی نه گؤزه‌ل!
اؤزوم کسیب،
اؤزوم بیچه‌جه‌یم ،
زامانسیز , حئسابسیز سئوه‌جه‌یم
بیر ساعات نه‌دیر کی….

(2)
سولغون گئدیرم،
سن بیر گول!
قورخما،
سنی اَله
سنی ائله
سنی بئله
بوراخمارام؛
گل آیاقلاریم اوسته!
اؤلوم آیاق اوسته گؤزلدیر…

(3)
سئویشمک‌هاواسی گلیر-
نفسلرینین اوتاغیندان!
آغلایا – آغلایا
اویناییرام
من
قایغی‌سیز بخته‌ور!

(4)
عؤمرومون –
فصیل‌لری بیرله‌شیب،
خیشیلداییر؛
خزان منی آپاریر
باهارا دئیین !

(5)
اوره‌یی‌نین دؤنگه‌سینده
گیزلینجه
آشکارا دویون دوشموشم.

(6)
قوپ
– بو حیاتدان گولوم
گل آغاج اولمادان
وزون- اوزون اؤلک!

Check Also

اینتحار / سمیر کهیه‌اوغلو(عراق)

اینتحار سمیر کهیه‌اوغلو(عراق) قالخ! بیر سیقارا یاندیر کیبریت آراما اؤره‌ییمین آتاشیندان یاخ بیر نفس من ...

One comment

  1. ایاز تبریزلی

    سلام حؤرمتلی ایشیق سایتین امکداشلاری اللریز آغریماسین عزیز خانیم مرتضایی نین چوخ گؤزل شعر ین بیزلرله پایلاشیرسینیز اوخدوم و چوخ لذت اپاردیم وار اولون مهربان و مؤحترم شاعره میز

    سولغون گئدیرم،
    سن بیر گول!
    قورخما،
    سنی اَله
    سنی ائله
    سنی بئله
    بوراخمارام؛
    گل آیاقلاریم اوسته!
    اؤلوم آیاق اوسته گؤزلدیر
    ………………..
    قوپ
    – بو حیاتدان گولوم
    گل آغاج اولمادان
    وزون- اوزون اؤلک!

    چوخ سئودیم … گل آغاج اولمادان اوزون اوزون اؤلک!

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *