گولوشلرینی قورو! / سحر خیاو

sahar xiyavi
گولوشلرینی قورو !
سحر خیاو

گولوشلرین گونه باخان تارلالاری‌نین گؤزللیگی؛
گولوشلرینی قورو خاتون!
قوی یالنیز گونشه قوورولسون گولوشلرین؛
اینانما بو بوینو بوکوک دایانان قوش‌قووانا
قارقالارلا ال- بیردی بو تولکو کیشی!
قاپ- قارا قارقالار دنله‌یرلر گولوشلرینی.
تؤر- تؤکونتوسون‌ده
کور سیچانلار، قانادلی قاریشقالار اوغورلایار،
دووشانلار گمیرر،
باغالار خیمیر- خیمیر چئینه‌یر،
میندار میلچک‌لر پای گؤتورر گولوشلریندن.

خزل اولار؛
قارا یئللر آپارار؛
تارلامیز تالان اولار
گونه باخانسیز قالار!
آماندی خاتون-
قورو گولوشلرینی!!!

Check Also

قاییتماز اولدو/ بهروز دولت‌آبادی(چای اوغلو)

قاییتماز اولدو بهروز دولت‌آبادی(چای اوغلو) چوخ صفالی، چالیشقان، آزادلیق وورغونو ده‌یرلی دوستوم «سیفی»یه اتحاف. نئجه ...

One comment

  1. اکبر صالحی قاداش

    سحر خیاو خانیمین سئودیییم شئعرینی، خاتون اولان میصرالاری فارس شئعرینین ترجومه سینه اوخشادیبدیر. خاتون، آذربایجانجا خاتیندیر. فارسجا “و” سسلی حرفی اوزانیر و بو شاملونون سسله دییی خاتون -و یادا سالیر. ان سئودیییم میصرا: قوی یالنیز گونشه قوورولسون گولوشلرین؛

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *