چئویرن: ایشیق
ترجمه: ایشیق
ایشیق

حئکایه نئجه یازیلمالیدیر
(هر کسین استفاده ائده بیله‌جه‌یی یئددی اصول)
aboozar jafariچاک سامبوچینو – چئویرن: ائلجان سالمان‌قیزی – کؤچورن: ابوذر جعفری

۱- ان چوخ اوخوماق ایسته‌دییینیز حئکایه‌نی یازین. اصلا سیزه فخر گتیره‌جه‌یی قناعتینده اولدوغونوز بیر حئکایه‌نی قلمه آلمایین. اؤز سئویملی کیتاب‌لارینیزی، اونوتمادیغینیز حئکایه‌لری دوشونون. اونلاری دوشونون دئمک او دئمک دئییل کی، سیز اونلاردان یولا چیخیب تاریخی و رومانتیک بیر ادبی نمونه یاراتمالیسینیز. اولا بیلر کی، سئویملی اثر و یا حئکایه سئودیینیز ژانردا اولماسین، آمما سیز اوردا خصوصی بیر صورته، کاراکتئره، هانسیسا بیر حادثه‌یه، حادثه‌لرین بیتمه‌سینه وورولموسونوز. اودور کی، سئودییینیز شئی‌لردن یازین. بیر یاخشیلیق ائدین- بوتون شیدّتلی آرزولارینیزی، اوره‌یینیزین ریتمی‌نی سورعتلندیرن، سیزی گئجه یاریسی یوخودان اویادان چیلغین ایده‌لرینیزین لیستینی توتون. هر گون یازدیق‌لارینیزا قیغیلجیم اولماسی اوچون بو لیستی ماسانیزین اوستونده گؤز اؤنونده ساخلایین و اوندان بلدچی کیمی یارارلانین.
۲- صورتله باشلایین. یاراتدیغینیز کارکتئرلرین قصورلو و ایناندیریجی اولماسینا چالیشین. اونا نفس و حیات وئرین، سیزی تعجب‌لندیرمه‌سی و حئکایه‌نیزی هئچ گؤزله‌مه‌دییینیز اینانیلماز یئرلره آپارا بیلمه‌سی اوچون اونا آزادلیق وئرین. اگر حئکایه‌نیزین قهرمانی سیزی تعجبلندیره بیلمیرسه، امین اولون کی، او اوخوجولارینیز اوچون ده سیرادان گؤرسه‌نه‌جک. اؤزومون چوخ تئز-تئز ائتدیییم بیر اوصولو مصلحت بیلیرم، من یاراتدیغیم کاراکتئرین سیرلر، گیزلی شئی‌لر دانیشماسینی طلب ائدیرم. قلمینیزی گؤتورون و آغ بیر ورقده «من هئچ واخت هئچ کیمه دئمه‌میشم کی…» جومله‌سی ایله باشلایین و بوردان یولا چیخین، کاراکتئرینیزین سسینی ائشیتمه‌یه چالیشین.
۳- قهرمانینیزا حل ائدیله‌جک ماراقلی، جلب ائدیجی بیر سورون (مساله) وئرین. قهرمانینیزین اذیت وئرن، اونون آرادان قالدیرماغا چالیشاجاغی، اونو ایره‌لی‌له‌ده‌جک مساله‌لری اولمالیدیر. هر حئکایه‌نین اوره‌یی کونفلیکت‌دیر- داخلی و یا خارجی اولماسی‌نین فرقی یوخدور، یاخشی بیر کونفلیکت یاراتماغا چالیشین. اونوتمایین کی، بو کونفلیکت، مساله سیزین قهرمانینیزی دا جیزگیله‌ییر، سرحدلرینی تعیین ائدیر، اونو فورمالاشدیریر.
۴- حادثه‌لر یارادین. اولا بیلر کی، دونیادا یارادیلا بیله‌جک ان مؤحتشم قهرمان‌لاری یارادیر، اونلاری مکمل شکیلده تصویر ائدیر، حیات وئریرسینیز، آمما نتیجه گؤزله‌دییینیز کیمی اولمور، حئکایه اونا وئردییینیز اوزو تئزلیکله ایتیریر. کیتابلاریمدا من بیر شئی‌دن آددیم‌باشی امین اولماغا چالیشیرام، هر صحنه‌ده باش وئرن حادثه سوژئته یئنی بیر آیرینتی قازاندیریر. اگر گؤرورَمسه، یاراتدیغیم صحنه سوژئتین جانلی داوام‌لیلیغینی تامین ائده بیلمیر و اونون ایره‌لی‌له‌مه‌سینه کمک ائتمیر، همین صحنه‌نی کسیرم، نه قدر تاثیرلی و گوجلو اولورسا-اولسون. رئداکته ائدرکن ده من صحنه-صحنه ایره‌لی‌له‌ییرم و هر صحنه اوچون بیر سؤز جومله قئید ائدیرم. رئداکته بیتن‌ده منیم الیمده حئکایه‌مین اسکلتی قالیر. نتیجه و پروسئس سیزه  آسانلیقلا نئجه بیر حئکایه یازدیغینیزی دئیه بیلر، هجوم‌لر و غفیل دؤنوش‌لر، حادثه‌لری ایره‌لی سوروکلنمه‌ین صحنه‌لر ساده‌جه اؤز چکیسینی یوخ، اثرین ده چکیسینی آزالدیر.
۵- ایناندیریجی اولماسینی تامین ائدین. بلی، دئیه بیلرسینیز کی، آخی، چوخ زامان روح‌لار، افسانه‌لرده بزکلی حئکایه‌لر یازیرسینیز، بو نئجه ایناندیریجی اولا بیلر؟ اولا بیلر، اگر بو شرطی بوتون کیتاب اوچون تامین ائده بیلسه‌نیز. «سؤز وئریرم»ده من روح اوچون قایدالارلا باشلادیم، او نه‌لری ائده بیلر، نه‌لری ائده بیلمز. اونا بیر حئکایه و منه گئری دؤنمه‌سی اوچون سبب وئردیم. اوخوجولار اوجوز اویون‌لارا نفرت ائدیر. حئکایه‌نین سونونا سورون‌لارین چؤزولمه‌سینه کمک ائدن یئنی قهرمان گتیرمه‌یین. پیس و یا یاخشی مساله‌نی قهرمانین حل ائتمه‌سینی تامین ائدین.
۶- حئکایه‌نیزه یاپیشین. بوتون بیر پروسئس بویو سیز بلکه ده مین دفه اونو بوراخماق، تامامیله صیفیرلاماق ایسته‌یه‌جکسینیز. ائتمه‌یین! حئکایه‌نیزی مطلق تاماملایین. نه قدر چتین ده اولسا، ایکنجی دفه ایشله‌یین. ان یاخشینی سرگیله‌مک اوچون بوتون باجاریغینیزی اورتایا قویون. اوندان یقین کی، امتنا ائده‌جکلر، امتنا ائدیلسه بئله سیز حئکایه‌نیزی یئنه کیملرسه گؤندرمه‌یه داوام ائدین. عینی زاماندا باشقا بیرینی یازماغا باشلایین. سونرا باشقاسینی. اینانین هر دفه داها یاخشی بیر نمونه اورتایا قویاجاقسینیز، هر دفه داها یاخشیسینی یازاجاقسینیز. ایلک حئکایه‌م اولانا کیمی من دؤرد کیتاب یازمالی اولدوم، بو منیم یئددی ایلیمی آلدی. بو کله-کؤتورلو اوزون یولدور، آمما سونوندا گؤره‌جکسینیز کی بونا ده‌یر.
۷- قایدالاردان امتنا ائدین (بو منیمکی‌لر ده اولا بیلر). هامییا مصلحت وئریلیر، نظریه‌لر اؤیره‌دیلیر، کیمسه سیزی حمایه‌سی آلتینا آلماق ایسته‌ییر، کیمسه خصوصی بیر ژانردا فورمالاشدیرماق اوچون بیلدییی قایدالاری و یوللاری منیمسه‌ده بیلر. فیکریمجه، ایش او زامان داها مکمل بیر فورما آلیر کی بیز بوتون بو بیزه عایید اولمایان شئی‌لری آرخادا بوراخیریق و بیزیم دوغرو اولان تک شئی اؤزو اولور.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

حئکایه نئجه یازیلمالیدیر/ چاک سامبوچینو – چئویرن: ائلجان سالمان‌قیزی- کؤچورن: ابوذر جعفری

ایشیق
www.ishiq.net

آذربایجان ادبیات و اینجه‌صنعت سایتی

حئکایه نئجه یازیلمالیدیر/ چاک سامبوچینو – چئویرن: ائلجان سالمان‌قیزی- کؤچورن: ابوذر جعفری

ایشیق
www.ishiq.net

آذربایجان ادبیات و اینجه‌صنعت سایتی

حئکایه نئجه یازیلمالیدیر/ چاک سامبوچینو – چئویرن: ائلجان سالمان‌قیزی- کؤچورن: ابوذر جعفری

ایشیق
www.ishiq.net

آذربایجان ادبیات و اینجه‌صنعت سایتی