بهمن آیی‌نین ۲۳ندن ۲۸‌نجی گونونه قده‌ر تبریزده عاشیقلار کنسرتی کئچیریله‌جکدیر.

دالغا گروهونون «ساری تئل» آدینا کنسرتی، استاد چنگیز مهدی‌پورون رهبر‌لیگی‌ایله، بهمن آیی‌نین ۲۳ ، ۲۴ و ۲۵ ‌نجی گونلرینده تبریزین “مجتمع رفاهی پتروشیمی‌” سالونوندا کئچیریله‌جکدیر.

بو ۳ گئجه‌لیک کنسرت‌ده آذربایجان عاشیق موسیقی‌سیندن فولکولوریک قطعه‌لر او جومله‌دن “آت اوستی کرمی”، “باش ساری تئل”، “اوشاری” و … ایفا اولوناجاقدیر. عین حالدا بو کنسرت‌ده چنگیز مهدی‌پورون یئنی “سئوجه‌یم من سنی، سن منی سئومه سن ده” لیریک اثری ارائه اولاجاق‌دیر.

دالغا موسیقی گروهو‌نون بو کنسرتینده جلیل حمیدی (بالابان)، اکتای زمانی (قوپوز)، بابک نقی‌زاده (قوپوز باس)، یاشار ایمان‌پور (جوره ساز)، هادی جباریان (بالابان باس)، مجید رحیمی‌پور (قاوال)، مهران فرشباف (پرکاشن)، عاشیق جواد محرمی و جعفر احمدی ایفا ائده‌جک‌لر.

دالغا موسیقی گروهونون کنسرت بلیطینی آموزشگاه موسیقی روشن (۶۵۸۶۹۰۱ و ۰۹۱۴۷۷۲۴۱۸۳)، موزیک نغمه (۳۳۰۲۹۸۷)، موزیک کلاسیک (۵۵۶۰۲۷۰ – ۰۹۱۴۳۰۹۰۶۷۸)، اورمیه‌ده آموزشگاه موسیقی ملودی (۰۴۴۱۳۳۶۷۰۲۶) و علمداردا (۰۹۱۴۹۹۹۹۵۷۷) الده ائتمه‌ک اولار.

عینی حالدا بهمن آیی‌نین ۲۶، ۲۷ و ۲۸نجی گونلرینده تبریز شهری‌نین”مجتمع فرهنگی هنری ۲۹ بهمن” آدینا سالونوندا تانینمیش ائل عاشیقی عاشیق حسن اسکندری‌‌نین باشچیلیقیلا “کوراوغلوینان – ایواز” آدینا عاشیقلار کنسرتی کئچیریله‌جکدیر.

بو کنسرتده آذربایجان عاشیق هاوالاری او جومله‌دن “قره‌باغ شکسته‌سی”، “پاشا کوشدو”، “میصری گولو”، کوراوغلو قایتارما‌سی”، “طبل جنگی”، “میصری گوزل‌لمه‌سی” و … سس‌لنجکدیر.

آذربایجان موسیقی انجمنی‌نین امکداشلیغی‌ و گؤزل قوپوز شرکتی‌‌نین اسپانسرلیغی ایله کئچیریلن بو کنسرتین گلیری‌نین بیر حصه‌سی آذربایجان ام اس خسته‌لری‌نین معالجه‌سینه حصر ائدیله‌جک‌دیر.

کنسرتده ائل عاشیقی عاشیق حسن اسکندری‌ایله برابر عاشیق ارسلان زارعی، عاشیق بولوت دهگان و عاشیق بهمن قربان‌پور، همچنین علی ایمانپور (بالابان)، یوسف محرمیان (زورنا)، ابراهیم کریمزاده (قاوال) و محمد فرخ‌نیا (قاوال و دؤهول) اشتراک ائده‌جک‌دیرلر.

گؤزل قوپوز موسیقی گروهونون کنسرت بلیطینی آموزشگاه موسیقی اسکندری (۵۴۱۶۹۷۵۰ و ۰۹۱۴۱۱۴۸۹۸۳)، موزیک نغمه (۳۳۰۲۹۸۷)، استودیو صدا (۵۵۵۵۹۰۴)، فیلمبرداری ساوالان (۲۳۰۷۶۰۹) و استودیو مهران (۰۹۱۴۹۰۴۶۴۷۴) الده ائتمه‌ک اولار.