ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

siyami
تانینمیش صنعتکار “خانعلی صیامی” دونیادان گؤز یومدو

چوخ تاسوفله یاییلان خبرلره اساسن، آذربایجانین تانینمیش فوتوگرافری اوستاد خانعلی صیامی 61 یاشیندا دونیادان گؤز یومموشدور.

خانعلی صیامی 1331ینجی ایلین اسفند آییندا کلیبرده دونیایا گؤز آجمیش، ایرانین تانینمیش فوتوگرافرلریندن اولموش و آذربایجانین طبیعی و تاریخی گؤزللیک‌لرینین شکیل‌لرینی چکن ایلک صنعتکارلارداندیر. صیامی آذربایجان حال- هاواسیندا چکیلمیش ایکی سینما فیلمینین‌ده (سارای و سکوت کوهستان فیلملری) چکیلیشینده یاخیندان اشتراک ائتمیش و بو ایکی فیلمین شکیل چکمه ایشلرینی عهده‌سینه گؤتورموشدور.

خانعلی صیامی‌نین جنازه‌سی شنبه گونو آبان آیی‌نین 4ینده تبریزین عکاسلار انجومنی دفتریندن مشایعت اولوب و بو شهرین صنعتکارلار مزارلیغیندا تورپاغا تاپشیریلاجاقدیر.

آذربایجان ادبیات و اینجه‌صنعت سایتی (ایشیق) امکداشلاری آدیندان بو ایتگینی صیامی عائله‌سینه، صنعتکارین دوستلارینا، صنعتکارلار و فوتوگرافرلر جمعیتی‌نین بوتون عضولرینه باش ساغلیغی دئییر، صنعتکارین خاطره‌سینی عزیزله‌ییریک.

ایشیق
(آذربایجان ادبیات و اینجه صنعت سایتی)
2 مهر ماه 1392

5 پاسخ

  1. آذربایجانیمیزین اونودولماز صنعت آداملاریندان اولان خانعلی صیامی نین وفاتینی، صنعت سئور آذربایجان میللتینه ، صنعتکارین محترم عائله سینه و صنعت کارلاریمیزا تسلیت دئییرم .
    اونون بیر عؤمور سئوگی و ساغیلارلا دولو آدیملارلا ایره لیله دیگی صنعت یولو نون آشیریملارینا باخدیقدا ،بیرداها قاراداغیمیزین ، ائله جه ده ، آذربایجانیمیزین افتخارلی اوغوللارینین بیرینین شرفله یاشادیغی دیرلی بیر عؤمرون اونودولماز ایزلرینی گؤروروک.او اوزون ایللربویو آذربایجان فولکولورونو،آذربایجان گؤزه للیکلرینی، و هر یؤنونده صنعت ایزلری گؤرونن چاغداش آذربایجان حیاتینین جانلی لحظه لرینی ارز فوتو شکیللرینده یاشادا بیلدی .
    بیز خانعلی صیامی معلیمین صنعت یولوندا اونون فداکارلیق عزمینی ، توپلومدا اولان اجتیماعی قاتلارین بوتون طیفلرینه اولان سایغیلاری بوللو -سوللو گؤردوکده اونو بیر میللی ضیالی کیمی سئویریک.روحو شاد اولسون ،یولو داواملی- تهران – ائل اوغلو-6/8/92

  2. تانریم رحمت ائله سین اونودولماز صنعتکارا. یاشایاجاقدیر بیزیمله اثرلریله هر زامان. یئری جنت اولسون مزاری نورلا دولسون

  3. اینشاا… روحوی قرین رحمت اولسون و بیز “دیری!” آداملاردان اینجی مه سین کی دیرلی آداملاریمیزی
    تاسوفله اؤلن نن سونرا تانیریق.

  4. سلام
    چوخ اوزوجو بیر خبر ایدی. اؤزو کؤچوب گئتسه‌ده، خاطیره‌لری بیر عؤمورلوک یادیگار قالدی بیزه…

    روحو شاد اولسون

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *