ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

AharNews-Rasol-Gorbani-600x600
عاشیق رسول قوربانی حیاتا گؤز یومدو

یاییلان خبرلر اساسیندا آذربایجانین گؤرکملی و اوستاد عاشیق‌لاریندان اولان ۸۰ یاشلی عاشیق رسول قوربانی بئیین اینفاکتی نتیجه‌سینده تبریزین امام رضا خسته‌خاناسیندا وفات ائتمیشدیر.[i]
ایران اذربایجانی عاشیقلاری ایچینده “دده” عنوانیلا حؤرمتله‌نن عاشیق رسول قوربانی ۱۳۱۴ینجی ایل قاراداغ ماحالی‌نین عباس‌آباد کندیده دونیایا گؤز آچمیش و عاشیق صنعتینی ۱۳۳۰ینجی ایلدن عاشیق خیرالله، عاشیق حیدر، عاشیق کریم حضرتی و عاشیق عزیز شهنازی مکتبینده اؤیرنمیشدیر.
عاشیق رسول قوربانی انقلابدان سونرا بیر چوخ موسیقی فئستیواللارینین غالیبی اولموش و دونیانین ایگیرمی‌یه یاخین اؤلکه‌لرینه او جومله‌دن: فرانسه، آلمان، هلند، انگلستان، ژاپن، چین، چک، اسلواکی، اتریش، استرالیا، آذربایجان (باکو)، مجارستان، یوگسلاوی، تورکیه و… سفر ائتمیش و اؤز صنعتینی نوماییش ائتدیرمیشدیر.
سون واختلار عاشیق رسول قوربانی‌نین یاریم عصیر عاشیق صنعتینه ائتدیگی خیدمتلرینی ده‌یرلندیرمک اوچون شرقی آذربایجانین ارشاد اداره‌سی طرفیندن اونا یوبلئیی مراسیمی کئچیریلمیشدیر و ۱۳۹۳ینجی ایل اونون حیات و یارادیجیلیغینی عکسی ائتدیرن «دده رسول» آدلی سندلی بیر فیلم چکیلمیشدیر. اوستاد عاشیقیمیزین اثرلرینی احتوا ائده‌ن «سینه‌مده سسله‌نن سازیم وار منیم» آدلی شعر مجموعه‌سی‌ده ایشیق اوزو گؤرموشدور.
ایشیق– آذربایجان ادبیات و اینجه صنعت سایتی امکداشلاری آدیندان اوستاد عاشیقیمیز عاشیق رسول قوربانی‌نین اغیر ایتگیسی موناسیبتیله مرحومون مؤحترم عائله و سئونلرینه و ائله‌جه‌ده آذربایجان عاشیق صنعتی جمعیتینه باشینیز ساغ اولسون دئییریک و اوستادین اونودولماز خاطیره‌سینی عزیزله‌ییریک.

ایشیق- آذربایجان ادبیات و اینجه صنعت سایتی
۰۷/ ۰۷/۱۳۹۴

[i] http://tnews.ir

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *