شعرلر(6)
سوسن امینی- چئویرن: گولناز
(1)
کاشکی
الیمه بیر بارداق سو وئرن اولایدی!
سوسوزام … سوسوز!
اوستومده آغیرلیق ائله‌ییر-
کابوس کیمی غم یوکو،
و نفسيم
زامانين سون پیلله‌سينده دوراراق
سون خبری گؤزله‌ییر!
كاشكي
اوره‌يين قده‌ر تورپاغیم اولایدی
و سئوگي قده‌ر باغبانیم؛
و دوداقلاري‌نين اوجوندا اولدوز کیمی بیر تبسسوم
و بولاغ کیمی سونسوزا آخان-
دوم- دورو گؤزلر.
كاشكي
مقصده چاتميردي حيات قاطاري،
و داغین آرخاسيندا باتمیردی گونش
و گونشین باتماسی‌لا چیخمیردی آی.
كاشكي
يوخلوغو ناغيل‌لارا تاپشیرایدیق.
کاشکی … کاشکی …
(2)
یاز مؤوسومونده
“باهار ناریج” چیچک‌لریله-
بیر یووا قوراجاغام.
گلیشینله-
عطیرله‌نه‌جک یووام.
و من
قدحینده شراب اولاجاغام
قورتوم- قورتوم ايچه‌جکسن منی-
صبیرسیزجه‌سینه.
(3)
ديل آچ
دانیش!
هانسی سؤزجوکله-
اکیرسن دوداقلارینا سئوگینی،
من
گؤرمه‌دن سئویرم سنی؟
یک پاسخ
چوخ ساغولوز گولناز خانیم