ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

 kabir_2باشی قینیندا…
رقیه کبیری

باشی قینیندا،
توسباغایا بنزه‌ییرم بو گونلر
باهارین بو چاغیندا
ایسکَنجبین‌له کاهی‌دان قیدالانیرام
-یاواشجا دئییم، کیمسه ائشیتمه‌سین
بو گونلر سیرکه- شیره یاشاییشیمین آدی‌دیر.
اؤز باشیما
توسباغالاردان گیزلین،
اسکنجبینی آرتیرمیشام یئمه‌ییمه-

اوزوم‌نن دئمیرم
داریخقانلیغین اوزونو آغاردیب اوزوم
و گؤوده‌مین دریسی‌

کرگدن دریسینین اوزونو…
بو گونلر
اؤز داشیمی، اؤز قابیرقاما چیرپیرام.
الک- فلک ائله‌ییرم سانال دونیانی
بیر شکیل تاپیم توسباغالارین سئویشمه‌لریندن
بلکه اونوتدوغوومو یئنی‌دن اؤیرندیم…

گئجه‌نی گوندوزومه قاتیرام
یازدیغیمدا
باکیره، دیشی توسباغایا دؤنوشورم
سئویشمه‌دن
بارماقلاریم،
یومورتالاریمی لپ‌تابیمین کلاویه‌لرینین اوزه‌رینه دوغور
تیققا- تیق سسینه
توسباغالارین یومورتالاری چاتلاییر
سایسیز- حسابسیز  اَتنه‌لر سورونور عاغلیمدا…

بونونلا بئله
یئنی- یئتمه چاغلاریما دؤنمه‌ییم گلیر
منی گؤیه اوچوردان اوردک یولداشلاریمی
دیشیمده توتدوغوم آغاج قولونو
یئرسیز دانیشدیغیمی اؤزله‌ییرم
بلکه بو دؤنه
گؤی اوزوندن، یئره دئییل
تلگراف سیملرینین اوزه‌رینه سریلدیم
آسیلدیم…
1393.2.31

 

4 پاسخ

  1. ایماژلار و شعرین دیلی چوخ کسه رلی و آنلاملی دیر.یاشایین عزیز شاعیر و یازاریمیز حؤرمتلی خانیم کبیری.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *