اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

atabayدان اولدوزوم (آتامین خاطیره‌سینه)
آتابای موغانلی

(1): دان اولدوزوم(آتامین خاطیره‌سینه)
چیخیب الیمدن بو واخت، بو ساهات،
چاشمیشام؛
بیلمیرم ایل‌لریم ترس دولانیر
یا‌دا گونلریم؟!
بلکه‌ده
کئچمیشده دایانیب زامان؟!
کئچن گونلریمه حیکایه یازیرام
سؤزلریم دان اولدوزو کیمی گؤرونور…

(2): داغیلان سئوگی
کؤز باسدیریلیر سینه‌مه سئودالاریم‌لا،
باسدیریلیر دیلک‌لریم-
چوروموش جان یاماخلاریما،
و سوورولور سؤزلریم دار سؤزجوک‌لرده-
سینیق- سالخاق حیات تورباما.
داغیلیر سئودام…
داغیلیر دیله‌ییم…
داغ… ی… ‌دیر –
سئوگیمین قول- قولا گزه‌ن قول- بوداق‌لارین.

(3): سنسیزلیک
دامجی- دامجی آخیرسان خاطیره‌لر قایاسیندان؛
دئشیرسن،
ائشیرسن قارانلیق یالقیزلیغیمی،
گونو- گوندن سئلله‌نیر-
ایچیمده‌کی سنسیزلیک.

(4): خوشبختلیک سسی
دئییرلر
بو اوجا داغلارین آرخاسیندا-
خوشبختلیک سسی ائشیدیلیب؛
نه اولار
داریخدیم…
گلین بیزده گئده‌ک!،
بلکه ائله اولدو،
بلکه سس‌لر چوخالدی!…
گئتدیک
داغلاندیق داغین ذیروه‌سینده.

 

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *