چئویرن: ایشیق
ترجمه: ایشیق
ایشیق
00:00
00:00

MaftounAmini
آغاجلار بختی
مفتون امینی

 آلدیغی، آزلیقدان بیلینمه‌ین

وئردییی چوخلوقدان

درین کؤکلوٍ

گئنیش کؤلگه‌سی اوجالان، تازالاشان

یئرلی بیر حقیقت؛

«آغاج» آدیندا

ایدامه‌لی بیر قالخیش

هئی! نه حئیرتلی‌دیر، نه ‌ده ماراقلی

آغاجین دوردوغو یئرینده پایـیزلاردان، قـیشلاردان کئچمه‌سی

و یـئنی باشدان خوش گوٍنلرینده یاشاماسی

نئجه کی،

من اؤزوٍم نه چوخ زامان-

باغلارین، مئشه‌لرین ایلک بارینی دویاندا

 نیسگیل آخی چکمیشم کی:

نولاردی،

بیز اینسان‌لار دا

آغاجلار کیمی ایلدن- ایله نئچه آیلیق گنجلشه‌یدیک…؟

  •

آی منیم اوٍره‌ییمی یوخلایان،

سؤزوٍموٍ دینله‌ین، مینّت‌سیز بیر آلیشیق!

من آغاجلارین بوی – بوداقلارینا لایـیق اثرلی، دیرلی بیر «پوئما»م یوخدور؛

قوی آنجاق

او باغین اته‌ییندن کئچه- کئچه

سونکو ایسته‌ییمی داها اوجا سسله سؤیله‌ییم کی:

نه شاعیرلر طبعی،

نه پهلوان‌لار گوٍجوٍ

نه پادیشاه‌لار تختی

بلکه من ‌اوٍچوٍن اولا- اولمایا تکجه بیر آغاج‌لار بختی

آی، آغاجلار بختی…

چاپ

دیدگاهتان را بنویسید

نشانی ایمیل شما منتشر نخواهد شد.

آغاجلار بختی / مفتون امینی

ایشیق
www.ishiq.net

آذربایجان ادبیات و اینجه‌صنعت سایتی

آغاجلار بختی / مفتون امینی

ایشیق
www.ishiq.net

آذربایجان ادبیات و اینجه‌صنعت سایتی

آغاجلار بختی / مفتون امینی

ایشیق
www.ishiq.net

آذربایجان ادبیات و اینجه‌صنعت سایتی