ای دونیانین الوان چوجوقلاری!
سیز ای گلجه‌یین پارلاق اولدوزلاری!
آغلی-قارالی،
آللی-ساریلی!
گونونوز موبارک!
باشینیزین اوستوندن اسن کولک‌لردن،
الچیم-الچیم آخان بـولوت‌لاردان،
سیزه سالام گؤندریرم
قـوجاق-قـوجاق ، اتک-اتک.
صاباحین نبضی الینیزده،
موساوات کلمه‌سی دیلینیزده
ایره‌لی!
الینیزدن تـوتاجاقدیر زامانین الی،
صاباح سیزیندیر
سیزده صاباحین.
دونیانی امانت وئریریک سیزه،
قوی ایبلیس‌لر یول تاپماسین قلبینیزه!
گونونوز موبارک!
سالام گؤندریرم سیزه،
قـوجاق-قـوجاق ، اتک-اتک
