حیات ترانه‌سی
هریزلی
بوتون گؤزل‌لرین عالمده نازدانه‌سی سنسن
اودور کؤنول قوشونون دائیم آشیانه‌سی سنسن
سنینله معنا تاپار خوش زمانه, سئومه‌لی دؤوران
سعادتیله حیات سورمه‌یین نیشانه‌سی سنسن
من‌ایسه دردلره دالسام غمیم دنیز کیمی جوشسا
نه غم, بو غم دنیزینده اومید کرانه‌سی سنسن
ترانه‌سیزلسه کؤنلوم یئنه‌ده یوخ غمی, چونکی
اونون کدرلی چاغیندا حیات ترانه‌سی سنسن
گزر بهانه تاپا بلکه بیر غزل یازا شاعر
“هریزلی”نین‌ده غزل یازماغا بهانه‌سی سنسن.
