قبریستان دولوسو قار یاغیر؛
جومجولاق هذیانلاریم
مزاریندا گیزله‌نیب!
اؤلولرین بارماقلاری‌نین آراسیندا
مینی ‌ژوب گئین بیر قادین سنه اویناییر،
تله‌سیک‌ده
دال- با دال ایچیب قورتارما!
ایستیکان لاری‌نین گیزلی سس‌لری
دیکسیندیریر اوره‌ییمی؛
شهوتلی بیر جنایت دیب اوتاغیندا
دوشمه‌لی دئییل والله!
ا‌ؤزونه یاخینلاش،
آیری فیلیم
باشقا دیل‌ده
پرده‌یه چیخاجاق؛
قورخما
اللریمدن توتان اللری
شاختا دوندوروب!
دیل آنلاماز بیر اؤلوم
قارانلیق گؤزلریمده
قاچا- قاچا دوشوب
آدسیز
آدام‌سیز؛
تاپ
توپ
تاپ
توپ
تااااپ
توووپ.
قالخ آیاغا!
به آخی سنی سسله‌ییر،
چیراق آل گلنده!
گون آراسی
قارا بؤیوک بولودلار
حیاتیمدان کئچیر!