یئریکلی بیر جومادا

یاغیش قیپ قیرمیزی دوداقلاریندا یاغیردی

آدرسیمی سوراغلاشدین

تئلفون نومارامی!

هاواندا

بیر نئچه گمی دنیزین بؤیوک داشلارینا دولاشیردی

سوموکلریم ایچیمده چابالاییردی!

سئودین

اوزون ماهنی‌لاری منه قوشدون

تبریزین بوتون چیچکلرینی منه آلدین

آمما . . .

کئشکه اوزولمه‌یردی اوره‌ییم!

یئریکلی بیر جومادا

آیاق یالین بیر دوغرو سؤیشمه‌یین تئرورونا گئده‌جه‌یم

سئو منی

سویوندورمامیش

گونوزون ایشیغیندا گل یانیما

آنان بیلسین

بوتون دوستلارین دا!

.

.

.

یئریکلی بیر جومادا

باشلانیرام

بیر آجی نفس‌دن

کینایه‌لی نیفرت‌دن

اؤزومو دام دووارا ویریب

ایچیمده کی نئچه ایللیک بیر سئوگینی دوغورام!

۲۲ مهر جوما ۱۳۹۰