بوتون اینسانلارین وطنداشی اولان نئلسون ماندئلا اوچون…
کرگدنلر بوینوزلاری ایله
گونشین قارنینی دئشنده
یئنی بیر گونش دوغولدو آفریقادا،
قاپ-قارا بیر گونش.
آغ‌لارین عاغلینا سیغمادی
دوستاغا سالدیلار عاغیلا سیغمایان گونشی،
دوستاغین ایچیندن باشلاندی دوغو
قاپ-قارا بیر ایشیق
شوعالاریندا آیاق یالین،
چیلیم- چیلپاق قارا اوشاقلار
و قارا آفریقالی قیزلار
تانرینین گؤزوندن گیزلین
اولدوز چیچه‌یی دردیلر.
آفریقانین اوره‌یی داریخدی
قارا گونشین رنگی
آغاردی باتان چاغیندا…
یک پاسخ
سایین رامین
سالاملار
بو گؤزل شعری اوخودوم و چوخ لذت آپاردیم، و بئ کی ماندلا بیر بؤیوک اینساندیر و هامیلارا عزیزدیر بوندا هئچ شک و شوبهه یوخدور.
آمما اوز بؤیوک اینسانلاریمیزی یاد دان اونودمایاق.
صفرخان
ائلچی بئ
صمد
بابک
و …