ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

fereshte rasooli
گیزلی- گیزلی باخماغا چاغیر
فرشته رسولی

 بوش وئر

بوراخ گئتسین

حیاتین اونسوز آغیرلاشیر

سیزیلداییر

یورغون یوخولار

معناسیز

مضمونسوز

گؤزلرینده ائله تیکیله‌جک کی

هر تانری‌نین تیکمه‌یی گله‌جک

صاباح سحر وختی

سیقار یاندیریب

گون چیخاندا

قوی دوداقلارینا

گون ده توستو وئرسین

بو بولانمیش شهره

آخی من تاکسیدا اوتوراندا توستو آلارام

اوتوبوسدا توستو آلارام

کافه­ده توستو آلارام

سنین قوجاغیندا دا

توستو . ..!

یاواش- یاواش آچیلار

تای­با­تای قاپیلاری

هر شئی او قدر آساندی!

او قدر راحات!

دانیش

هله دانیشماق ایمکانسیز اولماییب

کافه­ده

یاش گؤزلرینه

گیزلی- گیزلی باخماغا چاغیر

اود یاندیریبلار اوره­ییمده

هر شئی او قده‌ر آساندی!

او قده‌ر راحات!

اوزون واهیمه‌لر

سنی آپاراجاق

طیاره‌لر خطرلی اولوب

گلنده گؤزله

قاتارینان گل

سسسیز مودئرن قاتارلارینان

گیزلی- گیزلی گل

سنی پایلاشماق ایمکانسیزدی اوره­ییمه!

28 شهریور 1390

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *