اویاقلیق
رامین جهانگیرزاده
من سیزین یاتماماغینیزین سببینی کشف ائتدیم فئیس بوکدا.
سیز رحمتلیک علی اکبر صابیرین بو سؤزونون آجیغینا یاتمیرسینیز:
لای لای بالا لای لای
یات قال دالا لای لای
من بیلیرم سیز هامینیز اویاق اینسانلارسینیز
آنجاق من دئییرم گئده یین یاتایین
صاباح دوروب اویناریق
فئیس بوکدا قایناریق
بو اویون بیزیم اویون
کیم دئییر بیزیک قویون
آللاه بیزی ساخلاسین
فئیس بوکدا میخلاسین
بیزیم وطن بورادیر
تورپاق واللاه قارادیر
قارادان وطن اولماز
قارادا بیتن اولماز
