ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

kiyan
بارماقلارینین اوجونا
کیان خیاو

بویادینمی منی آل بویا آل بویا
آل منی بویا د‌ریمی
د‌ریمی گون باتیشینین اوزونه چک
بویا بوتون بویومو گون باتیشینا
بویونا بیچ منی بیچ
بیچ بویونا بیچیلیم
ایچیلیم
ایلیم- دیلیم ایتیم باتیم قاشلارینین آراسیندا!
یووووخ، یاخانین دویمه‌سینی آچما
بارماقلارینین اوجوندا
بیر یورقون اوچوشوم دا اولسا یئتر!

آل منی آل بویا دوداقلارینلا
جالا بوتون بویامی
جالا دوداقلارینین بایداسیندان!
بایداااا، بایداااا، نه بویدا؟
سنینکینی بیلمیرم
منیم دوداقلاریم بیر قیفیل بویدا
قیفیلدان آسلانمیش یئنه ده قیفیل
بو قیفیلی
منی دئپرئسیونا سالان بیر سن آچا بیلرسن.
سن
سن
سن هارداسان؟
وارمیسان باری؟ بورا‌لاردامیسان؟
سن ها وارسان ها یوخسان
اویسا منیم سؤزجوکلریم
هپ قاپینین دالیندا داریخیرلار.
آاااچ آچ آچ اوزه‌رینی
آااچ، آچ اوچدور بو دوواری
اوچدور بو قوشلاری اؤز قفسیندن!
هئئئئی، وارمیسان باری؟ بورا‌لاردامیسان؟
آچماسان دا بئله گله بیلرمیسن؟
ان آزیندان
آچارلاریندان بیر آچار گؤستره بیلرمیسن؟
یووووخ، یاخانین دویمه‌سینی آچما
بارماقلارینین اوجوندا بیر آچار ده‌لییی وار
قوی اوردان بویلانیم باخیم
مونیکا سویونسون پارادیزودا!

بویادینمی آل بویا منی آل بویا آل بویونا
بویونا سال منی سالدیر
سالدیر مندن بویونا بیر قوجامان قارا بالیغی
او گؤزلری گون باتیشینا چکه‌رک
سیجاق یئمه‌لی یومورتا ایلیغی.
سالدیر سال، – سن اؤزون دئمیردینمی؟ –
سالدیر سال بو گؤوده، بو تین سرت قایا‌لار تک
سالدیر منه سیندیر یئ منی یئ
یئ یومشانمیش یئمه‌لی یومورتا کیمی گون باتیشیندا
یئ ایچ منیم ایلیییمی، ایلیغیمی
ایچ ایچیلیم ایلیم- دیلیم ایتیم باتیم ایچ ایچینده
نه چینده، نه ماچینده
ایچ ایچینین یاساق شه‌هه‌رینه یئرلشدیر منی!
یووووخ، یاخانین دویمه‌سینی آچما
من سنین بارماقلارینین اوجوندا یاشاماغا
بیر کیملیک، یالنیز بیر کیملیک ایسته‌ییرم.

1391/ 9/ 14

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *