اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

 Shelale cavanshir
تورپاق آلتیندا قالان دیلیمیز
شلاله جوانشیر

 آنا دیلیم

سن باسقی آلتیندا قالدین

ازیلدیکچه دیره‌نیش گوجون آرتدی

سن اؤلکه‌میزده اوبا- اوبا، کند- کند، شهر- شهر سیخیشدیریلدین

سیخیشدیریلدیقجا

باغریمیزا تپیلدین، کؤکسوموزده یووالاندین

سنی، فوضولی‌نین غزللرینده سئودیک، قورقود دده نین قوپوزوندا

سن بیزیم سویوموزون، کیملیگیمیزین جانلی تابلووسو اولدون

یوخ اولمادین، یوخ اولمایاجاقسان

یوردوموز داغیلدی، داغیدیلدی

تورپاق آلتیندا قالدی تورکچه هایقیران آنالاریمیز

تورپاق آلتیندا قالدی تورکچه هایقیران دده لریمیز

تورپاق آلتیندا قالدی تورکچه هایقیران گلینلریمیز

تورپاق آلتیندا قالدی تورکچه هایقیران گنج ایگیدلریمیز

یاردیملارینا گلن اولمادی، اولماز اولدو.

بوغولدولار، تورپاق آلتیندا قالیب بوغولدولار

چونکو تورکچه هایقیردیلار

تورکچه هایقیردیلار سون نفسلری ایله آنالاریمیز

تورکچه هایقیردیلار سون نفسلرینده اوشاقلاریمیز

تورکچه باغیردیلار گنج ایگیدلر

تورکچه هایقیردیقلاری اوچون اؤلدولر

تورکچه باغیردیقلاری اؤچون اؤلدولر

اوچوخلار آلتیندا قالدین دیلیم

اوچوخلار آلتیندا قالدین تورکچه م

اوچوخلار آلتیندا قالدین اؤلکه م

اوچوخلار آلتیندا قالدین آنا دیلیم

یوردوم اوچوق-اوچوق خرابه لره دؤنوشدو

دؤنوشدورولدو

یارالار آچیلدی یوردومون باغریندا

اوره یی پارام- پارچا اولدو اؤلکه‌مین

باغری دلیک- دئشیک اولدو فوضولی غزللری نین

کؤنلونه آتش قویولدو کاشقارلی دیلی‌نین

قارانلیغین دالغالاندیغی اؤلکه‌مده-

بئشیکلرینده اؤلدولر بالاجا اوشاقلار

آغزینا داش تپیلدی تورکچه دیل آچان بالاجا اوشاقلارین

هئریسدن، ورزیقاندان، اهردن، قاراداغدان

قارا خبر یاییلدی

قاراباغین قارا خبرلرینه قارالار قاتیلدی

تورکچه آغولار سؤیله‌دی آغ‌بیرچک آنالار

تورکچه آغلادی انالار

سن اؤلمه‌دین، منیم تورکچه م

سن یاشاییرسان باغریمیزدا

سن یاشایاجاقسان عآغلیمیزدا

سنین اوچون، یالنیز سنین اوچون یاشایانلار وار آنا دیلیم

سن بیزیم گئرچک قورتولوش بایراغیمیزسان تورکچه م

قلبیمیزده دالغالانان بایراغیمیزسان.

بایراغیمیزسان .

 

اشتراک گذاری در print
چاپ

یک پاسخ

  1. سلاملار دویغوسال شاعیره، “شلاله خانیم جوانشیر”

    گؤزل بیر شعر اوخودوم…. سیزه باشاریلار دیله ییرم

    منجه ده دونیامیزی دییشمه لیییک… تورکجه و آذربایجان دوشونجه سی ایله دونیامیزا باخمالیییق…. باشقا گؤزلوکلری، گؤزلریمیزدن چیخارتمالیییق… آرتیق “بیز” اولمالیییق… بونلاریدا عملده ائتمک لازیمدیر…. اله قلم، بئیینه دوشونجه و اوره ییمیزه وطن سئوگیسینی وئرمه لیییک…
    هر ندن اؤنجه اینسانام… آنجاق وطنیمی، آنا دیلیمی و وطن سئوگیسینی اونوتماماق چوخ گرکلی ساییلیر….

    درین حؤرمتله

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *