ده‌یرلی شاعریمیز «ناصربگ مرقاتی»‌نین دونیادان کؤچمه مناسیبتیله

سنینله‌یم دینله منی، ارکیمیز!
گولله یئرلریوین باشی ساغ اولسون!
یاغماسی تبریزده یاساق بولودلار
سیزلرین ده دردلی باشی ساغ اولسون!

داخمالاردا اسکی ایلمه ‌چالانلار
بیت‌کوین‌دان قارا پوللار قازانیب
فارکس‌ینده وارلیغینی اودوزان
سیزلرین ده
دردلی باشی ساغ اولسون!

هم ده سیزلر،
اووولتونوز بودور بئینیمده سیزلار
اورموگؤلونده‌کی زهرلی دوزلار
یاخین گلین سیخ سیخیلین یارامیزا
یاخین گلین باش ساغلیغی وئرک
یاسلاردا قویلانان بو ارک قالامیزا!