گئجه‌یدی
چارباغدا گؤی گؤزلو توریست
ال-آیاغین ایتیرمیشدی
اوشاغی ایتمیشدی
عربی یاغلیق باشیندا بولوندو
غززه بالالاری یادینا دۆشدو
بیری‌سی بوردا گزه‌گن
بیری‌سی اوردا آوارا
بیری گؤزلری زومروددیر
بیری گولگز قانا باتدی
بو توریست‌دیر
او تروریست!
آتاسیز آناسیز خسته‌خانادا
غززه‌ده بومبالار سسیندن تیترک
هئچ کیم ده دردداشی اولا بیلمه‌دی
او سبزه مات قالان اوغلانجیغازی
بو توریست گوشودا گؤردو آغلادی
چارباغدا نه گزیر بیله بیلمه‌دیم
تیترک بالاسینی قوجاقلایاندا
اۆرگی یانیر مظلوملار سسی‌ینن
بیروت‌دان گلمیشسه یا تورنتودان
جیگری آلیشیر بومبلار سسی‌ینن
دئدی بو قایغی‌لی توریست
اوشاق کی اولماز تروریست!
غززه‌ده اوشاقلار اللری اۆسته
آدلارین یازیرلار شهادت ایچین
