کوچه‌یی بوروموش ساپ‌ساری یارپاق
تؤکولموش اینجی یاش گؤز قیراغینا.
غبارلار ییغیلمیش، سپیلیر تورپاق،
تورپاغی یازمیشلار توز قیراغینا.
کؤچدی اوغلوم، کؤچدی قیزیم کوچه‌دن،
من قالدیم و یورناق دیزیم کوچه‌دن،
بو فاییز کؤچمه‌دی بیزیم کوچه‌دن،
قوی بو فاییزی مین یاز قیراغینا.
آنا آغ بیرچگین بولود‌دیر، بولود،
یاغدیریر گؤزومی، دردلری اونوت!
سؤزلرین یاندیران، دردلرین قوْر اوْد
اوره‌گیم اوتورموش کؤز قیراغینا.
ائله سن سؤیله‌دین بیزه، بئله‌کین
تیفانلار! تیفانلار! یولینیزی بوکون!
دئدین فاییز کؤچر، ائله یاز تکین،
هئچ سؤزی قویمام بو سؤز قیراغینا.
آنا، بوردا من چوخ غم یئدیم، سن ده،
آنا، توتقون اوزو من یودوم، سن ده؛
بو کوچه شعرینی من دئدیم، سن ده-
بیر یاشیل یارپاق بول، یاز قیراغینا!
بهرام قاراچایلی – قاشقای شاعر
