چئویرن: بهرام قاراچایلی(قاشقای شاعری)
ترجمه: بهرام قاراچایلی(قاشقای شاعری)
بهرام قاراچایلی(قاشقای شاعری)

(۱) تلسیر

بیر آیری فاییزدیر بیزیم کوچه‌ده
گؤر نیجه دۆشمه‌یه، یارپاق تلسیر
دیرری‌یم یا اؤلی، گؤزوم کوچه‌ده
اتیمی تؤکمه‌یه، توْپراق تلسیر

بوردا اوشاق اینجه کؤیلی سیناندا
غم غباری گۆنش اۆزه قوْناندا
گؤز دوْلویور، اۆرگ یانییور اوْندا
اجلی چاغیریر قوجاق، تلسیر

دئیرلر بو فاییزینگ قیشی یوْووق‌دیر
بیزیم کندیمیزده یاز دا سوْووق‌دیر
ننه‌م وار و یوْخی اوْن بئش توْیوق‌دیر
گؤیو گؤرستمه‌یه، بورماق تلسیر

قارانقوشلارونان بوردان اوچایدیم
دار دونیادیر، بو دار یئردن کؤچه‌یدیم
گؤزومی بیر یوموب، بیردن آچایدیم
گؤره‌یدیم گۆلمه‌یه، دوداق تلسیر

(۲) گزیرم

الیم چاتمادی گۆلومه
قیش وورموش باغی گزیرم
یئتمه‌دیم کؤچن ائلیمه
کۆللی اوْجاغی گزیرم

عاشیقلیق گلمه‌دی بیزه
آخ بو دالغالی دنگیزه
بالیق گزیز اۆزه اۆزه
من‌ ده قیراغی گزیرم

یوْل گؤزله‌دیم، گئجه گۆندوز
نه بیر گۆنش، نه بیر اولدوز
هانی ایششیق منی بولدی؟
سؤنمز چیراغی گزیرم

داغدا گؤردوم کَکلیگیمی
ارجین گؤردی بَرکلیگیمی
اوْردا گؤردوم تکلیگیمی
نه اۆجه داغی گزیرم!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قاشقای شعرلری

بهرام قاراچایلی(قاشقای شاعری)
www.ishiq.net

آذربایجان ادبیات و اینجه‌صنعت سایتی

قاشقای شعرلری

بهرام قاراچایلی(قاشقای شاعری)
www.ishiq.net

آذربایجان ادبیات و اینجه‌صنعت سایتی

قاشقای شعرلری

بهرام قاراچایلی(قاشقای شاعری)
www.ishiq.net

آذربایجان ادبیات و اینجه‌صنعت سایتی