چئویرن: حسین مصری
ترجمه: حسین مصری
حسین مصری
00:00
00:00

حیاتا یاخالاندیم
هئچ ده حاضیرلیق ائتمه‌میش،
«طالع بئله اولار»، آنام دئدی؛
ساچلارینا خینا قویوردو
گونش دالداسیندا.
توتوقلاندیم آغلاماغا
بیرجه گولوش هوه‌سینده.
بیر عؤمور
یاوانلیغیم اولدو گئجه‌لر
و گیزلین سئوینجیم اولدو گونوزلر؛
بیرگول اولدوم
سوه‌لندیم آنسیزجاسینا
سونوندا
مزار داشینا قویولدوم،
«طالع بئله اولار»، آنام دئدی.
یالنیزلیق دوولتیم- واریم اولدو
شهید- شهید شعیرلر
قوناقلیغیندا.
من گئجه‌لر لاپ دوولتلی‌یم
و گونوزلر
بیر اوغرون باخیشا
حسرت قالیرام
دارآغاجیندا ساللانان
بیر اعدامی‌نین
سون آنلاری تک.
اولدوزلار سایریشدی
رؤیالاریمین قونشو گئجه‌لرینده
سئوینجیمدن آغلادیم،
یوخولاریم تیکان -تیکان
اولدو گؤزلریمده.
من قار- قیش یاشادیم
یاغمورو یالنیز
یوخولاریمدا ساییقلادیم؛
حیات
یئنه ده دوام ائدیر بئله
حاییف کی
تکی آنام یوخدور
بیرده سؤیله‌سین
«طالع بئله اولار».
پاییز۱۴۰۱تبریز

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

حیات بئله اولار

حسین مصری
www.ishiq.net

آذربایجان ادبیات و اینجه‌صنعت سایتی

حیات بئله اولار

حسین مصری
www.ishiq.net

آذربایجان ادبیات و اینجه‌صنعت سایتی

حیات بئله اولار

حسین مصری
www.ishiq.net

آذربایجان ادبیات و اینجه‌صنعت سایتی