چئویرن: مرتضی مجدفر
ترجمه: مرتضی مجدفر
مرتضی مجدفر

آغزالمانی دؤشه‌دی
آنام دئدی:«گل گولوم!
چؤره‌ک‌لردن توُت بلله
پنیرلری من بؤلوم!

شَکَر تؤکوم چایینا
شیرین چای دا، ایچ گولوم!
ساغلاملیغین غوُنچاسین
قئین‌آلتیدان بیچ گولوم!»

بلله‌می من یئیرکن
گؤردوم بالا قاریشقا
تک دئییلدی اوْ موْوجود
یوز قاریشقا آردینجا.

چاتمیشدیلار کوره‌یه
یئره دوشن چؤره‌یی
قوْیموشدولار بئللره
خیردا قندی، شَکَری.

اوُنودارکن یئمه‌یی
ایشچی‌لره دالدیم من
اوْنلارداکی اَمه‌یه
توُموب، حئیران قالدیم من.

یوز قاریشقا بیر به بیر
سس‌سمیرسیز گئدیردی
چکیلیب صف هارایا
اوْنلار ایشی سئویردی.

یوواداکی بالالار
یقین گؤزلور آتاسین
بیلیر ایندی تئزلیکله
گتیره‌جک غذاسین.

بوُ ایشی من گؤررکن
هارای تپدیم آلقیشلا
جانلی ایدی آلقیشیم
منه باخدی قاریشقا!
دی ۱۴۰۱

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشچی قاریشقا (اوشاقلار اوچون)

مرتضی مجدفر
www.ishiq.net

آذربایجان ادبیات و اینجه‌صنعت سایتی

ایشچی قاریشقا (اوشاقلار اوچون)

مرتضی مجدفر
www.ishiq.net

آذربایجان ادبیات و اینجه‌صنعت سایتی

ایشچی قاریشقا (اوشاقلار اوچون)

مرتضی مجدفر
www.ishiq.net

آذربایجان ادبیات و اینجه‌صنعت سایتی