چئویرن: ایشیق
ترجمه: ایشیق
ایشیق
00:00
00:00

لیل‌لنمیش داماریم (دوننکی کلاسیک شعرلریمدن)
نیگار خیاوی

لیل‌لنمیش داماریم دولاشیر هردن،
دالیب داشقین چایا دورولمام گرک!
داریخان جانیمی چاغیریر چمن،
دوزه‌لیب یوللارا یورولمام گرک!

کؤلگم چایا دالمیش، چایا وورولموش،
چیخاریب اَینینی بیردن سویونموش،
سئودالی‌لار کیمی سویلا سئویشمیش،
بو دَلی چایلارا قیوریلمام گرک!

قایناشیر سورغولار آخیر قانیما،
بیر دالغین دوشونجه دوشور جانیما،
روحومو، دویغومو آلیب یانیما
بیر قایا دیبینده قورولمام گرک!

اوشویور پنجره‌م دووارلار دلیک،
کیشنه‌ییر چئوره‌مده یالقیزلیق، تک‌لیک،
فینخیریر کؤهلنیم سون بیر نفس‌لیک،
بورولغان یئل‌لره بورولمام گرک!

پرده پنجره‌دن قیریلیب دوشوب،
الیم یار قوینوندان سوروشوب دوشوب،
دوداغیم اونوتموش هاچان اؤپوشوب،
اؤپوشسوز دوداغا آیریلمام گرک!

الیم یار قوینونا ساریلی قالمیش،
پرده پنجره‌یه آسیلی قالمیش،
یارین جوت دوداغی اؤپوشلو قالمیش،
اؤپوشکن دوداغا ساریلمام گرک!

چاپ

دیدگاهتان را بنویسید

نشانی ایمیل شما منتشر نخواهد شد.

لیل‌لنمیش داماریم / نیگار خیاوی

ایشیق
www.ishiq.net

آذربایجان ادبیات و اینجه‌صنعت سایتی

لیل‌لنمیش داماریم / نیگار خیاوی

ایشیق
www.ishiq.net

آذربایجان ادبیات و اینجه‌صنعت سایتی

لیل‌لنمیش داماریم / نیگار خیاوی

ایشیق
www.ishiq.net

آذربایجان ادبیات و اینجه‌صنعت سایتی