ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

گئجه‌کی
ناصر داوران

آستاجا یاتاغین ترک ائتدی
کیمسه بیلمه‌دن.
ائوین بوجاغیندا
دیزین قارنینا بوکوب،
میشیل ـ میشیل یوخویا دالمیش قیزینین
یورقانین دوزلدره‌رک
بیر آز اوز ـ گؤزونه یئتیشیب
ائشییه چیخدی.
اولدوزلار گؤی اوزونده
گیزلنپاچ اویناماقدا
کوچه باشیندا ایسه
بیر ماشین
انتظاردایدی.
ماشین قارانلیغا جومدوقجا
قادینین کؤنولسوز گولوشلرینی
ائشیتمک چتینلشیردی
سونرا سس کسیلدی.
اولدوزلارین گؤی اوزوندن
ایزی پوزولماقدایدی
قادین ائوینه دؤننده.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *