اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

باهار
ویدا حشمتی

ائوده باهارلانیرام
من اورمانا اینانمیشام
آتام
قورآن آراسیندا ساخلاییر بایرام پاییمیزی،
کردیمیزی شوخوملاییر.
آنام
لالا توخویور آرتروز بارماقلاریندا
دووارداکی کدرلی گؤزگوسو
دانتئلین آلتیندان
گؤز وورور زؤهره اولدوزو.

قوشلار توزدان آرینمیش گؤیده
سئویشیرلر،
دوسدوم یاسمن بسله‌ییر کؤیسونده
اؤپور بایرامین یارپاقلارینی.

من
یاواشجا آچیشقادان گودورم کپه‌نه‌یین گلدییینی.

بالیغیم تونگ ایچینده
حیاتی اوخویور.
ساخسی پیالاداکی شیرنی بالیقلارا
نیسگیللی باخیر.

بویانمیش یومورتالار گیزله‌دیر گیزلی یارالاریمی.

حوووزدا آلمالار لپه‌لنیر،
یاغمور شاباشینا،
تورپاغین عطیری قالخیر
باهار گلیر.

من ائوده باهارلانیرام
آما
آغاجلارین تومورجوغونا اینانیرام…

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *