اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

آی یار
محمد نوری

کتان شعرلریم بیچیلیر نازیک بدنینه
«بندی گوموش»
کؤینه‌یینه داغیلیر بارماقلاریم

دفتریمیدن کئچن کوچه‌لری
سو آلیر!
چیرمالانیر خان
آراز به آراز
تبریزین جیلدینه گیریر مشروطه چاغیم
شعر گوزلرینه دولوب آرازی کورپودن آشیرماق‌دیر
آشیب-داشماق‌دیر

ساچین یئللرین موقاویله‌سی‌دیر
سویون شعرینی یازاندا
قافقاز قیزلاری یویونوردولار
تورکمنچاییندا
«گوردوم بئحال اولدوم، بئحال»

ائولرین آیاقلارینی یئردن اوزور پاسییولار
گونش، موعاشیقه توپلومونا ساچلارینی دعوت ائدیر،
گونش کونسئرتینه گئدیرم،
گونش بدنین
بئیت
به
بئیت
آزادلیق پالتارینی گئیینیر گوندوزلر
و موسی گونلرین آراسیندان کئچیردیر پنجره‌لری.

باخ
سودان قورو چیخیر یونیس،
سویا یازیلیر اینس
ماژور
مینور
«بندی گوموش»
بالیق قولاغی دنیزلرین پیچیلتیسی‌دیر تانرییا
پنجره‌لر هاردان باشلاسا باخماغا
اورمو فیلامینقولارین گؤزیاشی‌دیر.

«آی یار منه باخ باخ
جئیران منه باخ باخ»
۱۳۹۳

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *