چئویرن: رقیه کبیری
ترجمه: رقیه کبیری
رقیه کبیری


زلزله
رقیه کبیری

بئش…

اود،

سو،

تورپاق،

هاوا،

روح،

فیثاغورثین بئش عنصری دئییل

گؤزللیک تانریچاسی، ونوسون سیمگه‌سیندن

داش دؤرونده

داشلارین اوزه‌رینده ، هندسی شکیللردن

پنتاگرامدان سؤز آچمیرام

لورکا گلمه‌ین ساعاتدان دئمیرم

اودون آلوولانان ساعاتیندان

سولارین قورودوغو

تورپاغین باشلارا الندییی

هاوانین اکسیژن‌سیز زامانی

روحلارین آوارا قالمیش ساعاتیندان سؤز آچیرام

دوخسان بیرینجی گونش ایلینین بئشینجی آییندان

اییرمی بیرینجی گونوندن

اؤلوم ساعاتیندان

ساعات بئش‌دن دانیشیرام!

افغانستاندا پارتلاییشلار

عراقدا جانلی بمبالار

سوریه‌ده بمباردمانلار

سیاستین قانلی اللری، دویماز گؤزلری

چیرکین اوزودور،

اؤلوم دئییل…

اؤلوم،

قاراداغین، قارا سوواقلی داملاری

قیزیل قیمتلی

میس رنگینه بویانمیش تورپاغی‌دیر،

قات- قات قالاندی اوشاقلارین

قادینلارین، قوجالارین اوزه‌رینه

اؤلوم

قاراداغین ماراللارینین هورکک ساعاتی‌دیر

گونش ایلینین قارانلیق آیینین، قارانلیق گونونون

ساعات بئشی دیر اؤلوم…

۹۱.۶.۱

ه. الف. سایه | ترجمه: 
ه. الف. سایه | چئویرن: 
رقیه کبیری
ه. الف. سایه | ترجمه: 
ه. الف. سایه | چئویرن: 
رقیه کبیری
چاپ

3 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

زلزله / رقیه کبیری

رقیه کبیری
www.ishiq.net

آذربایجان ادبیات و اینجه‌صنعت سایتی

زلزله / رقیه کبیری

رقیه کبیری
www.ishiq.net

آذربایجان ادبیات و اینجه‌صنعت سایتی

زلزله / رقیه کبیری

رقیه کبیری
www.ishiq.net

آذربایجان ادبیات و اینجه‌صنعت سایتی