ورزیغانا گل!
عاشیق قوربان پورولی علیار
طبیعت یئنه‌ده شیلتاقلیق ائتدی
اهره, هئریزه, ورزیغانا گل!
زلزله باتیردی ائلی، اوبانی
طبیعتین الی باتدی قانا، گل!
اهره, هئریزه, ورزیغانا گل!
سهندله ساوالان گئیسین قارانی
چونکو یاسا باتیب داغی، آرانی
آللاه کیم ساریسین بئله یارانی؟
طبیعتین الی باتدی قانا، گل!
اهره, هئریزه, ورزیغانا گل!
هارایا، ایمدادا چاتانیم گلسین
ییخیلان قولوندان توتانیم گلسین
وارینا گومانی یئتنیم گلسین
طبیعتین الی باتدی قانا، گل!
اهره, هئریزه, ورزیغانا گل!
اوغلو الدن گئدن آنا آغلاییر
آناسین ایتیرمیش بالا آغلاییر
عاشیق قوربان چکیر نالا، آغلاییر
طبیعتین الی باتدی قانا، گل!
اهره, هئریزه, ورزیغانا گل!
2 پاسخ
بوردا آستا قدم آتين
بهرام اسدي
بوردا آستا قدم آتين
قويدوغونوز هر بير آدديم
بو تورپاقدا
يوزلر سينه سي عشقلي
مينلر سئوينجلرله دولو
ناكام اوره كلر ياتيبلار
گؤزله يين آدديملاريزدا
توخونماياسيز اونلارا
بوردا آستا قدم آتين
بوردا واردي خزينه لر :
اوغول تويو آرزولايان
بير چوخ آغ ساققال آتالار
بخت ائوينه قيز گؤندرن
قاري، آغ بيرچك آنالار
كؤرپه سينه يول گؤزله ين
انتظارلي گلينلرله
سس بير اولوب
باتيبديلار بو يئرلره
بوردا آستا قدم آتين
بوردا آستا قدم آتين
شيرين – شيرين يوخولاردا
ياتان مينلرجه كؤرپه لر
ديسكينمه سينلر يوخودان
بوردا آستا قدم آتين
آي آنالار
آي باجيلار
سيز ده بوردا كؤرپه لره
لايلانيزي آستا دئيين
درد اليندن سينه داغلي
قيوريليب ياتان آنا وار
اويانماسين .
سهندله ساوالان گئیسین قارانی…
بو شرفلی میللتیمه باخدیقجا جوشوب, دولانیر دامارلاریمداکی قانیم. اورمو, تبریز, زنجان, اردبیل و بوتون بؤیوک ایله کیچیک شهرلریمیزدن یاردیم آخین-آخین گئدیر…
………………………………………………. وطنین درد و غمینه اورکدن یانانین قاداسین آلیم….