چئویرن: ایشیق
ترجمه: ایشیق
ایشیق


ورزیغانا گل!
عاشیق قوربان پورولی علیار

 طبیعت یئنه‌ده شیلتاقلیق ائتدی

اهره, هئریزه, ورزیغانا گل!

زلزله باتیردی ائلی، اوبانی

طبیعتین الی باتدی قانا، گل!

اهره, هئریزه, ورزیغانا گل!

سهندله ساوالان گئیسین قارانی

چونکو یاسا باتیب داغی، آرانی

آللاه کیم ساریسین بئله یارانی؟

طبیعتین الی باتدی قانا، گل!

اهره, هئریزه, ورزیغانا گل!

هارایا، ایمدادا چاتانیم گلسین

ییخیلان قولوندان توتانیم گلسین

وارینا گومانی یئتنیم گلسین

طبیعتین الی باتدی قانا، گل!

اهره, هئریزه, ورزیغانا گل!

اوغلو الدن گئدن آنا آغلاییر

آناسین ایتیرمیش بالا آغلاییر

عاشیق قوربان چکیر نالا، آغلاییر

طبیعتین الی باتدی قانا، گل!

اهره, هئریزه, ورزیغانا گل!

چاپ

2 پاسخ

  1. بوردا آستا قدم آتین

    بهرام اسدی

    بوردا آستا قدم آتین
    قویدوغونوز هر بیر آددیم
    بو تورپاقدا
    یوزلر سینه‏ سی عشقلی
    مین‏لر سئوینج‏لرله دولو
    ناکام اوره ‏کلر یاتیبلار
    گؤزله‏ یین آددیملاریزدا
    توخونمایاسیز اونلارا
    بوردا آستا قدم آتین
    بوردا واردی خزینه‏ لر :
    اوغول تویو آرزولایان
    بیر چوخ آغ ساققال آتالار
    بخت ائوینه قیز گؤندرن
    قاری، آغ بیرچک آنالار
    کؤرپه‏ سینه یول گؤزله ‏ین
    انتظارلی گلین‏لرله
    سس بیر اولوب
    باتیبدیلار بو یئرلره
    بوردا آستا قدم آتین
    بوردا آستا قدم آتین
    شیرین – شیرین یوخولاردا
    یاتان مین‏لرجه کؤرپه‏ لر
    دیسکینمه‏ سینلر یوخودان
    بوردا آستا قدم آتین
    آی آنالار
    آی باجی‏لار
    سیز ده بوردا کؤرپه‏ لره
    لایلانیزی آستا دئیین
    درد الیندن سینه ‏داغلی
    قیوریلیب یاتان آنا وار
    اویانماسین .

  2. سهندله ساوالان گئیسین قارانی…
    بو شرفلی میللتیمه باخدیقجا جوشوب, دولانیر دامارلاریمداکی قانیم. اورمو, تبریز, زنجان, اردبیل و بوتون بؤیوک ایله کیچیک شهرلریمیزدن یاردیم آخین-آخین گئدیر…
    ………………………………………………. وطنین درد و غمینه اورکدن یانانین قاداسین آلیم….

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ورزیغانا گل!/عاشیق قوربان پورولی علیار

ایشیق
www.ishiq.net

آذربایجان ادبیات و اینجه‌صنعت سایتی

ورزیغانا گل!/عاشیق قوربان پورولی علیار

ایشیق
www.ishiq.net

آذربایجان ادبیات و اینجه‌صنعت سایتی

ورزیغانا گل!/عاشیق قوربان پورولی علیار

ایشیق
www.ishiq.net

آذربایجان ادبیات و اینجه‌صنعت سایتی