ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


من سنه حسرتم
آرزو مختاری

هانسی اوباداسان؟هانسی ائلده سن؟

کیمین اوره‌یینده،هانسی دیلده سن؟

هانسی ماهنی‌داسان؟ هانسی تئلده سن؟

من سنه حسرتم، من سنه آرزی،

 یوخلوغون چئویریب ائدیب تامارزی.

سنین اوره‌یینه سیغینمایان من

سئوگی ننی‌سینده اوونمایان من

سنین خاطیرینه توخونمایان من!

من سنه حسرتم،من سنه آرزی،

یوخلوغون چئویریب ائدیب تامارزی.

ایستیرم اؤزومو چایا تاپشیرام

گؤزلرین کئفله‌دی یاپیش آشیرام

سنه ساریلمیشام ، سنده یاشیرام

من سنه حسرتم،من سنه آرزی،

یوخلوغون چئویریب ائدیب تامارزی.

عطرین الریمدن، اوتاقدان گلیر

چیخیرام یولاغا، یولاغدان گلیر

ایپیمی قیردیغین پیچاغدان گلیر

من سنه حسرتم،من سنه آرزی،

یوخلوغون چئویریب ائدیب تامارزی.

آند اولسون سئوگیمیز پایا یالقیزام

سئوگی اوره‌یینده بیر اووج بوزام

داغلار اته‌یینده نانا ،یارپیزام

من سنه حسرتم،من سنه آرزی،

یوخلوغون چئویریب ائدیب تامارزی.

دالغالار گؤزومده دالدالانیرلار

ساعاتلار گئت به گئت سنی دانیرلار

یامان داریخمامی یالان سانیرلار

من سنه حسرتم،من سنه آرزی،

یوخلوغون چئویریب ائدیب تامارزی.

آغلایا آغلایا قالمیشام یئنه

“سئوگی دب ‌دن دوشوب” دئییرلر منه

اؤزومو بیر قوجاق یئتیرسم سنه !!؟؟

من سنه حسرتم،من سنه آرزی،

یوخلوغون چئویریب ائدیب تامارزی.

اوره‌ییم دلینیب، داملاییر، دامیر

اؤزونده بیر داملا سئوگی ساخلامیر

قارییب یوخلوغون، کؤنلوم توختامیر

من سنه حسرتم،من سنه آرزی،

یوخلوغون چئویریب ائدیب تامارزی.

4 پاسخ

  1. سالاملار آرزیی . چوخدان ایدی شعرسیزله میشدیم سندن . و هر حالدا شعریلرینی ایزله ییرم شعرینده یا جان وئریرسن گلین باجی . داها یئنیله ش . داها فیرتینالاش . داها داهالاش …

  2. سلام.
    نمیدونم ! شا فراموشم کردی ! شایدم هنوز یادی ازم داری!!
    به هر حال از اینکه میبینم درخت تلاشت به ثمر نشسته خیلی خیلی خوشحالم.
    امید دارم همیشه و همه جا خوش بدرخشی.
    حیدر بابا یولوم سنن کج اولدی عومریم گئچدی ,گلنمه دیم گئج اولدی
    هیچ بیلمه دیم گوزللرون نئج اولدی بیلمزیدیم دونگله وار , دونوم وار
    ایتگین لیک وار ,ایریلیق وار , اولوم وار
    دانشجوی حسابداری(سال 81 الی 85) دانشگاه آزاد بناب

پاسخ دادن به آراز لغو پاسخ

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *