چئویرن: ایشیق
ترجمه: ایشیق
ایشیق

گلمیشیم
سمیر کهیه‌اوغلو (عراق- طوز خورماتو)

قوناق ﮔلدیم «خـــورماتو»دان من سیزه
عاشق اولدوم «ائل ﮔؤلو»نه، «تبریز»ه
جانم قـــــــــربان «اردبیل»له، «سولدوز»ا
نئجه دئییم اوتانیرام شعریمى
دئیه بیلمه‌م شعریمده کى دردیمى..

«شهریار»ین «حیدربابا» دردینه
«ائل اوغلو»نون یاریمجلیق شعرینه
آه جکیرم شاعرلرین دردینه
یاغیش یاغسین سیل آپارسین حسیمى
«میانا»یا روزﮔار آلسین سه‌سیمى..

الده قلم دوداغیمدا سیگاره
مکتوب یازدیم شعر ﮔؤزلو «نیگار»ا
داریخمیشام گولو صولان بهارا
ایسته‌میره‌م بوردان کئدیم بیر داها
کئجه‌لریم چیقماز اولسون صباحا..

«أرک» قاپو قلعه سینده دورایدیم
قان فیشقیران جوشقون یارام صارایدیم
شعر مجلس آنا دیلین قورایدیم
اوخویایدیم «قاراجا»دان بیر شعر
دینلیه‌یدیم «جوادپور»دان بیر نثر..

ﮔیزدیم «آراز» داغلارینى سازیملا
«آهر» شهره بسته دئدیم سه‌سیمله
منى تانیر آذربایجـــــــان یازیملا
منه‌ن سلام کیم آپارسین «مشکین»ه
قان تؤکه‌رم «قاراباغ»ین عشقینه..

آخشام وختى «خوى» شهرینى دولاشدیم
«حاجیللو»یدان هر ﮔله‌نه قول آﭼدیم
ﭼیخدیم خوى‌دان اردبیلله اولاشدیم
اورطا بویلو «نئیراوغلو»نو ﮔؤرمه‌یه
دلشکسته بیر شاعرى صورمایه..

«تبریز» شهرین «ولیعصر» جاده‌سى
مهتابلى‌دى «سولدوز»لارین گئجه‌سى
«حبیب ساهر» میانا‌نین لاله‌سى
گلدیم «جولفا» صوقاقلارین گیزمه‌یه
«دومان اردم» ایله شعر دوزمه‌یه..

اردبیلده «شاه‌اسماعیل» قبرینه
«سایین قالا» طبیعتین سحرینه
«آذرشهر» «سیما دیدار» شعرینه
«موغان»دا من «نادیر شاه»ا ﮔلمیشیم
«ستارخان»ا فــــــریاد آها ﮔلمیشیم..

فرصت وئرین شعر دئییم «زنکان»دا
صدا وئرسین زینجیرلرده زینداندا
ﮔؤروشه‌یدم «سعید» ایله موغاندا
اوتورایدیغ دیز به دیزه گؤز- گؤزه
دانیشایدیق «تورکمان» دردین بیرمیزه..

سحر واختى قهوه آلتى یاپمیشام
من گیتمه‌لى بو گون فیزا آلمیشام
ایچیم یانار سیزه وداع دئمیشم
امانتیم منه‌ن سلام «ائلدار»ا
ایله‌ین سیز «شهریار»ی زیاره..

«نوبران» «ساوه» قهرمانلار دیارى
«اورمو ﮔولو» ﮔؤزلریمین پینارى
ساغالماز هئچ اؤره‌یمده آزارى
«مسعود هاراى» شعر دیسه آغلارام
آغلادیقچا قافیه‌سین باغلارام..

قیسسا شعر یازار «حمزه ربانى»
«سراب» یئرى تگ «مرتضى تیکانلى»
بیزدن سلام «پاشا اوغلو موغانلى»
یازارکن بو شعرى سیزه «میانلى»
«سمیر کهیه» گؤزلرى چوخ «دومان»لى..

بو ده‌رنیده حیدر بابا سازلاییر
«کاتب اوغلو» ایلگ سطیرده آغلاییر
شاعرلرین دیللرى بال داملاییر
دینله‌دیگچه آلقیشلیرام من سیزى
گؤز یاش دوکوب ایسلاتیرام «تبریز»ى..

استاد «هوشنگ جعفرى»نین «آغ آتلییم»
تابلوسوندا حوزون اوخور بیاتلیم
«حسینى»‌مه سویو قانلى فراتلیم
چوخ چتین دیر فاجعه‌سى کربلا
قانون بودور مؤمن کیمسه مبتلا..

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

گلمیشیم / سمیر کهیه‌اوغلو (عراق- طوز خورماتو)

ایشیق
www.ishiq.net

آذربایجان ادبیات و اینجه‌صنعت سایتی

گلمیشیم / سمیر کهیه‌اوغلو (عراق- طوز خورماتو)

ایشیق
www.ishiq.net

آذربایجان ادبیات و اینجه‌صنعت سایتی

گلمیشیم / سمیر کهیه‌اوغلو (عراق- طوز خورماتو)

ایشیق
www.ishiq.net

آذربایجان ادبیات و اینجه‌صنعت سایتی