آنا یئر قوردو / رقیه کبیری
چئویرن: رقیه کبیری
ترجمه: رقیه کبیری
رقیه کبیری
00:00
00:00

آنا یئر قوردو
رقیه کبیری

«قادین گولرسه، دونیا گولر!» دئمیشلر
قادین آغلارسا نئجه؟
قادین ییخیلیرسا
قادین یئنیلیرسه نئجه؟
قادین اینسانلیغین آرخا پلانیندا قالیرسا نئجه؟
دونیانین گؤزونو دوشونورم
دونیانین ألینی، آیاغینی
دونیانین دار بوغازینی
دونیانین دوداغینی
بو گون دونیانین قوجاغیندا سولموش میموزا گول‌لرینی بئله دوشونورم
گیلئلی دئیلم بیزلرده هئچ بیر قادینا میموزا تقدیم ائتمزلر،
نئجه کی دونیا کلارا زتگین ایله، رزا لوکزامبورگون أته‌یینه بیر اووج قیزیل گول بئله سپمه‌دی
اییرمی‌بیرینجی عصرده قادین آغلارسا
دونیا باخار‌کور گؤزونو بئله قیرپماز
قادین ییخیلیرسا
دونیا أللرینی بئلینه ویریب،
اونو باسدیرماق اوچون آیاغی ایله بیر زیبیللیک آختارار
قادین یئنیلیرسه
اونو دار بوغازیندان اودوب، باغیرساقلارینین پیسلییینه قاریشدیرار
قادین، اینسانلیغین آرخا پلانیندا قالیرسا
دونیا دیسکینیب، دوداغینا اوچوق قوندورماز…
آمما «قادین گولرسه، دونیا گولر» دئمیش‌لر.
دونیانین عاغلینی دوشونورم
باشیمدا بیر سوال یئرقوردو کیمی قیمیلدانیر
قادین کیمین اوزونه گولمه‌لیدیر؟
سرمایه‌نین؟
گوجون؟
شهوتین؟
یوخسا دونیانی ائوینین دؤرد دیوارینا کؤچوروب
یالنیز آنالیغین اوزونه گولمه‌لیدیر؟
یئر قوردو بئینیمده میتوز تقیسمی‌ایله آرتیر
پروفاز…
متافاز…
آنافاز…
تلوفاز..
و بئینیمده‌کی دونیا
سیتوپلاسمین ایکی‌یه بؤلوندویو کیمی
ایکی قوطبا بؤلونور.
اؤز- اؤزومه دئیرم: «بوراخ بو خیال‌بازلیغی!»
آمما باشیمدا قیمیلدایان بو آنا یئر قوردونون أل چکن گونو یوخدور
دوغوردان دا قادین گولرسه، دونیا گولرمی؟!

۹۵٫۱۲٫۱۵

ه. الف. سایه | ترجمه: 
ه. الف. سایه | چئویرن: 
رقیه کبیری
اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

آنا یئر قوردو / رقیه کبیری

رقیه کبیری
www.ishiq.net

آذربایجان ادبیات و اینجه‌صنعت سایتی