شعرلر
ناصر داوران
(1) بو پنجره‌نين پرده‌سي
هئچ نه يازماق اولمور
سؤز ـ صؤحبتسيز ائوين
فاغيرليغيندان.
بير ال اوزانيب
گؤي اوزوندن
اولدوزلارين بيرين سيلدي.
بو پنجره‌نين پرده‌سي
بيلميرم نه وقتدن بري
ییغیلماييب.
واز كئچ منيم
شعير دفتريمدن
قولاق آس
استكانين سويوق چايينا.
(2) آياقلاريم، اوره‌ييم و من
باشماقلاريم يئرييير
من آمما قالميشام
گئديم، گئتمه‌ييم؟
تره‌زييه ده شوبهه‌لييم هله.
آداملار دالغا ـ دالغا
آياقلاريم آداملار ايچينده
گؤزدن ايتير.
هئچ دئيه‌سن
اوره‌ييم ده يئرينده دئييل.
باشيم قاريشيب حئساب ـ كیتابا
اوره‌ييم آياقلاريما قوشولوب گئديب.
(3) گؤزه‌‌لليك قايناغي
هؤرومجه‌‌يين توروندان
قورشاق باغلاميش كپه‌‌نك
تانري‌‌نين گؤردويو يوخودور
حوري‌‌لر گز‌‌ن
اللي‌‌ليك تابلولار باغيندا.
گؤي قورشاغي قانداللانيب
هؤرومجه‌‌يين آغيز سويوندا
قيمته مينيب توخودوغو تور
بئزيكميش انسان‌‌لار باغيشلاييب يعني
زندانا عايد اولان هئيبتي.
2 پاسخ
حؤرمتلی تبریزلی جنابلاری
لطفا سایتیمیزدا اثرلری یاییلان شاعر و یازیچیلارین سیاهه‌سینه ال تاپماق اوچون «باشقا یازیچیلار» سؤزونون اوستونه تیکلایین. بورادا بوتون اثرلری یاییلانلارین آرشیوینه ال تاپا بیلرسینیز.
بوندان بیر نئچه آی اؤنجه ایلک صایفادا باشقا شاعیرلرین یآدلارین دا گؤرمک اولوردو آمما ایندی ساده جه بیر نئچه شاعیرین آدین گؤره بیلیریز عجبا بو دئیشیکلیگین سببی ندیر؟اؤنجه لری قاپساملی تورک شاعیر و یازارلارین آدلاری و یازدیخلاری اثرلرین گؤره بیلیردیک آمما ایندی سایتینیزداکی بو دئیشیکلیک بو ایمکانی بیزه وئرمیر عجبا ندن؟!جواب یازارسینیز ممنون اولورام.