ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

nisgil6-300x278
هردن…
مقصود تقی‌زاده هریس( نیسگیل)

هردن دنیز اولسان دا هئچ-
دالغالانیب آخماق اولمور.
دونیانین چیرکین اوزونه
اوز دؤنده‌ریب باخماق اولمور.

ثانیه‌لر قیفیللانیر
آدام قویویا توللانیر
اوستونه داغلار چوللانیر
داش آلتیندان چیخماق اولمور.

زامان کئچیر، کئچمیر آدام
آغ- قارانی سئچمیر آدام
بو دونیانی ایچ بینادان
آمان آللاه، ییخماق اولمور.

ایلیق- ایلیق یئللر اسیر
یارپاق دوشمه‌یه تله‌سیر
اؤلوم لاپ قاپینی کسیر
بیر دیسکینیب قورخماق اولمور!
۳۰/۴/۱۳۹۵ – هریس

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *